2 Sam. 19:39 - Ebaibul

³⁹ Todokasi nai ŋituŋa daadaŋ ekekwaye Yorodan, ido todoka erwosit ekaku. Eriŋa iŋes nyedokara, abu tonu Barisilai kiterereŋ; toboŋo nai Barisilai lore keŋ.

2 Sam. 19:39 Iomraidhean Croise

Akisy. 14:19

Ikiterereŋ Melekisedek Aburam tema, “Ikiterereŋ iyoŋ Aburam Akuj ŋina alokidiama nooi, ŋina asubi nakuj ka akwap;

Akisy. 28:3

Elipi Akuj ŋina Etiron ikiterereŋ iyoŋ ikiinak ŋiletok ŋulu alalak, ikotere toruwor papa a ŋituŋa a ŋakwapin.

Akisy. 31:55

Ani taparacu iwalari, tonyou Laban, tonu ŋipapae keŋ ka ŋidwe keŋ ŋulupesur ŋul, kiterereŋ, ido torotok toboŋo lore keŋ.

Akisy. 45:15

Tonu nai Yosepu ŋikaitotoi keŋ daadaŋ, kigwor aŋuna kec; kedau akigwor, kirworikinos ka ikes.

Akisy. 47:10

Kiterereŋ nai Yakob Parao, torotok aneni a Parao.

Akisy. 47:7

Ekaku a ŋun, yau Yosepu papa keŋ kitoodiya neni a Parao, kiterereŋ Yakob Parao.

2 Sam. 13:25

Nai abu erwosit tema neni ka Abusalom, “Mam, lokoku, nyikilot iwon daadaŋ, acepaki ikisicanio isua iyoŋ koŋin.” Tari daŋ ŋina abunio Abusalom torubak imaimai iŋes, abu erwosit towou alosit, nai abu kiterereŋ Abusalom.

2 Sam. 14:33

Tolot nai Yoab neni a erwosit, tolimok erwosit ŋakiro ka Abusalom, ido abu erwosit tonyarau Abusalom abunore neni keŋ. Aŋun, abu Abusalom bu neni a erwosit, toryedik alokwap kijuuru todol ereet keŋ kwap alokiŋaren erwosit, tosodi abu erwosit tonu Abusalom.

2 Sam. 19:38

Toboŋok erwosit tema, “Ikirukori ayoŋ ka Cimiam, ido etiyae neni keŋ ŋuna daadaŋ itami iyoŋ atemar ejokak aŋuna keŋ. Etiyae ayoŋ neni kon ŋuna icamit iyoŋ ayoŋ etiya neni kon.”

2 Sam. 6:18

Ani kedau iŋes ainakin neni ke Ekapolon ŋainakineta ŋuna epeyo ka ŋuna ke ekisil, kiterereŋ ŋituŋa alokiro ke Ekapolon a ŋolo a ŋajoresyo.

2 Sam. 6:20

Toboŋo Daudi a nen tolot akiterereŋ ŋituŋa a ekal keŋ. Nai abu Mikal nakoku a Saul bu neni a Daudi tema “Okoe abu nai erwosit a Isirael kitopoloor bon nooi nakoloŋit na! Abu iŋes tolaci bon alokiŋaren ŋaketiyak a ŋikapolok a apukan keŋ ikwa ebaŋ.”

1 Ŋirw. 19:20

Toesik Elisa ŋimoŋin keŋ toem kiwuapak Eliya tema, “Kimyekinae mono olot onu papa kaŋ ka toto kaŋ, ido nai obu ekewuapak iyoŋ.” Toboŋok Eliya tema, “Toboŋo, anukiro etiyak ayoŋ neni kon ikiwuapitor iyoŋ ayoŋ?”

Ekim. 24:25

Kedaun ŋun, tonyou Balaam tolot lore keŋ, Balak daŋ tolot ka a keŋ.

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Ŋitic. 20:37

Totunakinos ikes daadaŋ neni keŋ enuyete ebasi, “Tolot neni ajokan.”

1 Ŋites. 5:26

Kimalata ŋikaitotoi daadaŋ itunasi make itoodiunito atemar iminin.

Rus. 1:14

Tocelut nabo nooi, kikalout. Tosodi Orupa tonu tata keŋ, nai kimiidikin Rus neni a tata keŋ.

1 Sam. 24:22

Abu nai Daudi kikoŋ ŋun alokiŋaren Saul. Torotok nai Saul toboŋo lore keŋ; nai toboŋosi Daudi ka ŋikajiok ŋulu arukito ka iŋes kitipeiyosi naturukanin ŋuna sek aŋopitotor alokamukumukui.