2 Sam. 19:27 - Ebaibul

²⁷ Abu iŋes kirwor alyokonu neni kon eketoroniyarit ayoŋ, okoe ekapolon kaŋ. Nai ayeni ayoŋ atemar ikwaan iyoŋ erwosit ekapolon kaŋ ka emalaika ka Akuj; aŋun, kitiya neni kaŋ ŋuna itami iyoŋ atemar ejokak aneni kon.

2 Sam. 19:27 Iomraidhean Croise

2 Sam. 14:17

Ayoŋ tokona aketiyan kon abala, ‘Kisieŋarae ayoŋ anakirot a ŋina ilimuni iyoŋ, ekapolon kaŋ erwosit, ikoni iyoŋ emalaika anatyakatyak ŋakiro ŋuna ajokak ka ŋuna aronok. Elipi toyai Ekapolon Akuj kon kaapei ka iyoŋ.’”

2 Sam. 14:20

Abu Yoab eketiyan kon kitiya ŋakiro ŋun, ikotere kilocokinos ŋakiro ŋuna tokona itiyasi. Nai iyakar iyoŋ ekapolon kaŋ erwosit aosou ŋina ke emalaika ka Akuj, iyeni iyoŋ ŋakiro daadaŋ ŋuna itiyasi anakwap a Isirael.”

2 Sam. 16:3

Kiŋit erwosit Siba tema, “Ai eyai lopapait a ekapolon?” Toboŋok Siba erwosit tema, “Idoŋit iŋes Yerusalem aŋuna etamya ebe, ‘Ekenyakakinete ayoŋ ŋituŋa a Isirael apukan ŋina paaran arae ŋina a papaa kaŋ.’”

2 Sam. 16:4

Tema nai erwosit neni a Siba, “Ibore daadaŋ ŋini erae ŋini a Mepiboses, eruwor ŋini kon tokona.” Tema Siba, “Arae ayoŋ eketiyan kon, kimyekinae ayoŋ oruwor ŋolo ajok aneni kon ekapolon kaŋ erwosit.”

2 Sam. 19:17

Arukito iŋes ka ŋituŋa ŋulu alo Benjamin aliput. Apotu Siba daŋ ŋolo arae eketiyan alore a Saul kiwonyakis kaapei ka ŋidwe keŋ ŋulusapa ŋitomon ka ŋikan ka ŋiketiyak keŋ ŋatomoniarei, totiyaaros Yorodan neni ayai erwosit.

2 Sam. 9:13

Toruwor Yerusalem eboiyo Mepiboses, anerae arae lomesa ŋolo emujia erwosit emujiananaa Mepiboses a ŋinakoloŋit. Arae Mepiboses ituŋanan ŋini aŋwalito ŋakejen daadaŋ.

2 Sam. 9:3

Kiŋit erwosit iŋes tema, “Eyai mono ituŋanan eriŋa idoŋit alokal a Saul, ŋini apedori ayoŋ arimaanikin anarimao ka Akuj a?” Toboŋok Siba erwosit tema, “Lokoku a Yonasan bon eriŋa eyai; eŋwalit iŋes ŋakejen.”

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 15:3

ikes ŋulu nyecamito asyomar ŋuluce, ŋulu nyitiyaete aronis neni a ŋikonei kec, kori ŋulu nyinyaŋete ŋikidunyet kec.

Awos. 20:16

“Nyisudo ŋakiro neni a ŋikidunyet kus.

Yer. 9:4

Tocoikinito ŋikidunyet kus ka nyikinyomito idio alotooma ŋiyeneta kus, anerae erae ŋiyeneta kus daadaŋ ŋulu amodyanakinak ka irimito ŋikidunyet kus daadaŋ erae ŋikamodiyanak.

1 Sam. 29:9

Toboŋok Akis Daudi tema, “Ayeni ayoŋ atemar emam ŋakiro ikitoroniaritere iyoŋ apei daŋ, ikoni iyoŋ alokiŋaren kaŋ emalaika ŋolo ka Akuj. Kikote neni daŋ, adaut ŋikarikok a ŋajorei a Ŋipilistin alimun ebe, ‘Nyikirukori iŋes ka isua lojie.’