2 Sam. 19:1 - Ebaibul

¹ Tolimokinae Yoab ebe, “Igworo erwosit ka iyaloloŋi aŋuna ka Abusalom.”

2 Sam. 19:1 Iomraidhean Croise

Akisy. 37:35

Potu ŋidwe keŋ daadaŋ ŋulusapa ka ŋulupesur akisirwor iŋes, nai towou iŋes akisirworiuno tema, “Mam, alomari ayoŋ kwap nakipany neni alokoku kaŋ egworo.” Aŋun, kigwor Yakob aŋuna a Yosepu.

2 Sam. 18:12

Nai tema ekile ŋol, “Ee, tari kerae kikiinakinete iyes ayoŋ ŋisilipae aliput, pa kacamu ayoŋ akiar lokoku a erwosit. Abu erwosit ikipupi isua ikicik iyoŋ ka Abisai ta Itai tema, ‘Aŋuna kaŋ, nyiar esorokit Abusalom.’

2 Sam. 18:14

Tema Yoab, “Nyecanicani ayoŋ apaki ŋina ikoni na ikirworo ka iyoŋ.” Abu Yoab tolemu ŋakwaaras ŋauni, kirusokinia Abusalom lotau, eriŋa eyari ineno alokuyon.

2 Sam. 18:20

Tema Yoab neni ka Aimas, “Nyemaikina iyoŋ tolot alimor ŋakiro ŋadi nakoloŋit na, kimyek tolot akoloŋit ace, nai nyilosi iyoŋ nakoloŋit na, anerae aari ikoku a erwosit.”

2 Sam. 18:33

Tobul erwosit nooi, tolot todoka kidiama nalapatu ŋina alo kidiama epuke, kigwor a nen; ani elosi iŋes, abu tema, “Okoe lokoku kaŋ Abusalom, lokoku kaŋ, lokoku kaŋ Abusalom. Nyo pa araakar ayoŋ atwani akilo iyoŋ; okoe Abusalom lokoku kaŋ, lokoku kaŋ!”

2 Sam. 18:5

Kicik erwosit Yoab ka Abisai ta Itai tema, “Aŋuna kaŋ, nyiryenyaanikis esorokit ŋol, Abusalom.” Apotu ŋajorei daadaŋ kiirasi erwosit iciki ŋikapolok kec ŋakiro ka Abusalom.

2 Sam. 19:2

Apotu ŋasigarya daadaŋ kiyaloloŋo akoloŋit ŋin, akilo alakara aŋuna aponiata ikes kilout ŋimoe kec. Apotu ikes kiyaloloŋo aŋuna aponiata kiirasi akoloŋit ŋin ebe, “Iyaloloŋi erwosit a ŋakiro ka atwanare alokoku keŋ.”

Ŋakit. 17:25

Eaunete ŋidwe ŋulu itiyaete ŋakiro ŋuna ka abaŋao akiyaloloŋ neni a papa kec, ido eaunete aŋoit neni a toto kec.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.