2 Sam. 18:9 - Ebaibul

⁹ Kiryamun Abusalom apaki ŋin ka ŋirukitos a Daudi. Adokit iŋes aŋole-sigirya, toloma aŋole-sigirya tooma ŋaten ŋuna ke ekuyon a ŋolo apolon nooi. Kikamut ŋaten akou ka Abusalom, kidoŋ Abusalom ineno anaten a ŋun iyeliyelo. Toem aŋole-sigirya nariet.

2 Sam. 18:9 Iomraidhean Croise

2 Sam. 13:29

Aŋun, apotu ŋiketiyak ka Abusalom kitiyata neni ka Aminon ŋuna ecikit Abusalom ikes. Tonyout nai ŋidwe a erwosit ŋulusapa daadaŋ, todokak ŋinituŋanan aŋole-sigirya keŋ, toem.

2 Sam. 14:26

Ani etubi Abusalom ŋitim anakou keŋ (amina iŋes akitub ŋitim anakou keŋ a ŋolokaru, apaki ŋina eoyakuniata kinuwa iŋes) kipim anakipimeta a ŋuna epimenenea erwosit, toryamu erae apotis kec ŋakiloi ŋuna eapiyarito 2.3.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Sam. 18:10

Kebu ekile ece kiŋolik ŋuna apotu kitiyakin neni ka Abusalom, ido tema neni a Yoab, “Eŋolikinit ayoŋ Abusalom ineno alokuyon.”

2 Sam. 18:14

Tema Yoab, “Nyecanicani ayoŋ apaki ŋina ikoni na ikirworo ka iyoŋ.” Abu Yoab tolemu ŋakwaaras ŋauni, kirusokinia Abusalom lotau, eriŋa eyari ineno alokuyon.

2 Sam. 18:8

Topetakin ejie ŋol akwap ŋin daadaŋ, toar amoni akoloŋit ŋin ŋituŋa ŋulu alalak akilo ŋulu aaryo ke ekileŋ.

Yob 31:3

Nyeryamununeete mono ŋituŋa ŋulu nyiyookino ŋican a? Nyeryamununeete mono ŋituŋa ŋulu itiyaete aronis akisicanio a?

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Yer. 48:44

“Ŋini eemi aŋuna a ekabule ibusokin nakipany, ŋinituŋanan daadaŋ edokuni anakipany ikamuni aloc, anerae ayauni ayoŋ ŋiboro ŋul Moab, alokaru a ŋolo a akisicanio kec.

Mat. 27:5

Kimasak Yuda ŋisilipae Kai ka Akuj, toloma kiŋa; tolot nariet tomyedakin.

Mar. 7:10

Anerae abu Moses tema, ‘Kitopoloorite papa kon ka toto kon; abu nabo iŋes tema, iŋes ŋini iceni papa keŋ kori toto keŋ, itemokino totwan jik.’

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋikis. 21:23

nyemaikina kimyekinae akuwan keŋ ineno alokitoe akuwar kia, emaikina iyes tonuka iŋes akoloŋit ŋinapei earere iŋes, anerae ituŋanan ŋini inenekinio lokitoe, ilamit Akuj iŋes. Nyemaikina iyes tomunaasi akwap ŋina ikiinit Ekapolon Akuj kus iyes aruwor ŋina kus.

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 27:20

“‘Ilamam ituŋanan daadaŋ ŋini ituruwori aberu a papa keŋ ŋina keŋ, anerae ŋun ajamuwar papa keŋ.’ “Eboŋokinete nai ŋituŋa ŋuluce temasi, ‘Kiyookin ŋun.’