2 Sam. 18:2 - Ebaibul

² Totyak Daudi ajore keŋ toruwor ŋajorei ŋauni. Abu Yoab topolok ajore apei, topolok Abisai lokoku a Seruia lokaato a Yoab apei ka apei topolok Itai ŋolo arae Egititait. Tema, erwosit neni a ŋajorei, “Ikirukori ayoŋ kaapei ka iyes.”

2 Sam. 18:2 Iomraidhean Croise

2 Sam. 17:11

Nai ŋuna alimuni ayoŋ ikes nu, ‘Emaikina tocunakinos Ŋisirael daadaŋ neni kon ameun alo Dan tari Beeriseba. Emaikina ikes elalak nooi ikwa asinyon alokipetot ka anam. Emaikina iyoŋ elope torik ikes iyai lojie.

2 Sam. 21:17

Nai abu Abisai lokoku a Seruia toiu Daudi; kicum a Epilistait kimasak kwap toar. Kikoŋo nai ŋirukitos a Daudi neni a Daudi temasi, “Mam nabo jik nyikirukori iwon lojie, ikotere nyikiari iyoŋ ŋolo irae akoŋu a Ŋisirael.”

2 Sam. 23:18

Arae Abisai lokoku a Seruia lokaato a Yoab iŋes apolokinit ŋikapolok daadaŋ ŋulutomoniuni. Abu Abisai kitiji ŋimoe ŋamiae ŋauni toar ka akwara keŋ, torwoniar iŋes, kikwaanikin arwonu keŋ ka ŋina a ŋuluuni.

2 Sam. 8:16

Yoab lokoku a Seruia iŋes apolokinit ŋasigarya daadaŋ, ido Yeosapat lokoku ka Ailud iŋes arae ekeŋadan ŋakiro ŋuna igirir.

1 Ŋirw. 2:28

Ani edolunete ŋakiro ŋun neni a Yoab a ŋolo sek ariito ka Adoniya, tari daŋ ŋina sek pa ariitotor ka Abusalom, abu Yoab tolot loeema a Ekapolon, kikam ŋamomwar a Namuroet.

Ŋikiru. 3:6

Nyakuryaniar ayoŋ tari aŋuna a ŋituŋa a ŋulu alalak nooi, a ŋulu atukut akiman ayoŋ alowaetin kaŋ a daadaŋ.

Ŋikat. 7:16

Totyak nai Gideon ŋirukitos keŋ ŋulu arae ŋamiae ŋauni toruworos ŋajorei ŋauni, tokorak ikes daadaŋ ŋamomwar a ŋimesekin ka ŋitwol ŋulu amam ibore ayai ka ŋagilae ŋuna ewuakinitae lotwol.

Ŋikat. 7:19

Apotu nai Gideon ka ŋikilyok amiat ŋulu arukitotor iŋes todolo diyete akibois ŋina ayakasi ŋajorei a Ŋimidian, adolete ikes nen edoli kidiŋ akuwar, apaki ŋina elocokinioto ikes ŋulu eyokiyete ŋuluce nakwaare. Tokutakis Gideon ka ŋirukitos keŋ ŋamomwar a ŋimesekin, tobwaŋabwaŋaasi ŋitwol ŋulu atiŋito ikes.

Ŋikat. 9:43

tonyarau iŋes ŋasigarya keŋ totyak toruworos ŋajorei ŋauni, tosodi tourumikis ŋituŋa a Sekem alomanikorin. Ani iŋolikini Abimelek ŋituŋa elomunito alotaun, abu tolot neni kec toar.

1 Sam. 11:11

Akoloŋit ŋina atupakini ŋin, abu Saul totyakatyaka ŋituŋa toruwor ŋajorei ŋauni. Ani taparacu eriŋa nyedolo esaa epei ŋolo ka apaaran, kicodokis ikes neni eboiyoto Ŋiamoni, toara Ŋiamoni akitodol ŋina amwanunia akoloŋ; kielaros Ŋiamoni ŋulu ariŋa eyarete a ŋipeipei, mam ŋulu apotu toema kaapei erae ŋiarei.