2 Sam. 18:17 - Ebaibul

¹⁷ Todakasi ikes akuwan ka Abusalom kimasakis nadui ŋina ayai namoni, ido tocakakis ŋamoru ŋuna alalak kidiama keŋ. Toema Ŋisirael daadaŋ ŋinituŋanan lore keŋ.

2 Sam. 18:17 Iomraidhean Croise

2 Sam. 19:5

Abu nai Yoab toloma kai a erwosit, tolot neni a erwosit tema, “Isurum iyoŋ ŋasigarya kon daadaŋ ŋileec nakoloŋit na, adaut ikes aiun akiyar kon, akiyar a ŋidwe kon a ŋulusapa ka ŋulupesur ka akiyar a ŋaberu kon a ŋuna iitit ka ŋuna nyiitit.

2 Sam. 19:8

Aŋun, abu erwosit tonyou tolot kiboikin diyete epuke. Ani elimokinio ŋasigarya ŋakiro ŋun ebe, “Iboi erwosit alopuke,” apotu ikes daadaŋ potu kiŋaren erwosit. Apaki ŋin, aris Ŋisirael daadaŋ keema lorerya kec.

2 Sam. 19:9

Ayai akiŋuruŋura neni a Ŋisirael a daadaŋ apaki ŋin; ŋulutuŋa anateker kec ebasi, “Abu erwosit itoiu iwon anakan a ŋimoe yok; iŋes abu itoiu iwon anakan a Ŋipilistin. Nai tokona aem iŋes anakwap keŋ aŋuna ka Abusalom;

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

2 Sam. 20:22

Tolot nai aberu ŋin lotuŋa daadaŋ ŋulu aya lotaun, ayakar iŋes akirot ŋina ka aosou ŋina ayeunit iŋes. Apotu ŋituŋa ŋul totubut akou a Seba alokoku a Biciri, kimasut kiŋa neni a Yoab. Aŋun, abu Yoab tokutak aburereryaŋ a emesek, ido torotokis a nen, kimyekis etaun, toboŋosi ŋituŋa ŋuluce daadaŋ lorerya kec, nai abu Yoab toboŋo Yerusalem neni a erwosit.

2 Ŋirw. 14:12

Kilounae ŋasigarya ka Amasia tobwaŋas daadaŋ toem ŋinituŋanan lore keŋ.

2 Ŋirw. 8:21

Aŋun, tonyout Yoram ka ŋasigarya keŋ nakwaare, toloto Seir, kitijikis Ŋiedomi ka ŋikapolok a ŋasigarya ŋulu emeto ŋagaari ŋuna eritae a ŋaŋolei. Keris sek Ŋiedomi kirikaut ŋituŋa a Yoram, a ŋun, apotu ŋasigarya a Yoram tosuros toboŋosi lorerya kec.

Ŋakit. 10:7

Atamunit ŋituŋa ŋulu iyookino, erae arereŋu, nai epuripuryaar ŋirorwa a ŋulu aronok.

Ŋikis. 21:20

Elimokinete ikes ŋikasikou a etaun kec ebe, “Isyaana ikoku kosi en ka eŋerono daŋ. Nyiwuapit iŋes ŋakiro kosi. Edakana iŋes ka emerana daŋ.”

Ŋikis. 21:21

Ecakete nai ŋikilyok a etaun a ŋol iŋes a ŋamoru totwan. Aŋun, ilemarete iyes aronis alokidiŋ kus, ido iirarete Ŋisirael daadaŋ ŋakiro ŋun, tobul.

Yos. 10:27

Ani edoiyori akoloŋ, tolimu Yosua atemar tolacunae ŋawat kec tocakakinae naturukan ŋina sek adukitotor ikes. Ani kedaun akitiya ŋun, aponi totukokinae ŋamoru ŋuna apolok lokek a aturukan, eyakasi ŋamoru ŋun nen tari tokona.

Yos. 7:26

Totukokinae kidiama Akan ŋamoru ŋuna alalak ŋuna eya tari tokona. Tojoŋo nai Ekapolon aŋoikinit Ŋisirael. Ŋakiro ŋun iŋes enyaritere akibois ŋin akadipaalat ŋina ka Akor tari tokona.

Yos. 8:29

Kinenek nai Yosua ka auno erwosit ŋolo ka Ai lokitoe tomyed, tosodi kimyek akuwan ineno akitodol eboŋ. Ani edoiyori akoloŋ, tolimu iŋes atemar tolacunae akuwan alokitoe a ŋol kiperikinoe lopuke a etaun. Totukokinae kidiama akuwan keŋ ŋamoru ŋuna alalak ŋuna eya nen tari tokona.

1 Sam. 4:10

Aŋun, apotu Ŋipilistin kitijioto Ŋisirael toreut. Tobwaŋas Ŋisirael, toem ŋinituŋanan lore keŋ. Totwaka Ŋisirael ŋulu alalak nooi ŋulu alosete a ŋakejen ŋulu adolit ekimar kec ŋalipyo ŋatomoniuni.