2 Sam. 17:8 - Ebaibul

⁸ Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

2 Sam. 17:8 Iomraidhean Croise

2 Sam. 15:18

Kimyekis tolunyar mono ŋikapolok daadaŋ ŋulu epukatotor erwosit ka Ŋikeresi daadaŋ, Ŋipelesi daadaŋ ta Ŋigitaiti daadaŋ ŋamiae ŋakanikapei ŋulu arukunete ka Daudi alo Gas. Tolunyar ŋituŋa ŋul daadaŋ alokiŋaren erwosit.

2 Sam. 17:9

Tari tokona daŋ eŋopit iŋes anaturukan, kori anakibois ka ace. Ani kisyak iŋes akitijikin ŋajorei kon, toar, elimunete ŋituŋa daadaŋ ŋulu iirarete ŋakiro ŋun ebe, ‘Aari ŋajorei ŋuna ka Abusalom.’

2 Sam. 23:16

Apotu nai ŋikilyok ŋulu arwok ŋuluuni ŋul toemaros neni a Ŋipilistin, totubo alokidiŋ, toloto tookut ŋakipi anakare a ŋina edunyit epuke a Betelem, kiwokosi neni a Daudi. Abu Daudi nyemat ŋakipi ŋun; nai abu tobukok kiŋaren Ekapolon erae ainakinet.

2 Sam. 23:18

Arae Abisai lokoku a Seruia lokaato a Yoab iŋes apolokinit ŋikapolok daadaŋ ŋulutomoniuni. Abu Abisai kitiji ŋimoe ŋamiae ŋauni toar ka akwara keŋ, torwoniar iŋes, kikwaanikin arwonu keŋ ka ŋina a ŋuluuni.

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Esek. 19:2

Ŋakiro a eete nu, “Okoe arae toto kon aŋatuny ŋina eloit ŋanatunyo ŋunace! Amina iŋes auryan alokidiŋ ŋiŋatunyo ŋulusorok ka etani ŋitak keŋ.

Dan. 7:5

Totakanu nabo etyaŋ ece ŋolo a ŋiarei ŋolo ekwaan ka etyaŋ ŋolo adedeŋan, aponi etyaŋ kitonyounoe ke epeiwae, ayakar etyaŋ ŋol ŋikyal ŋiuni ŋulu apolok nakituk keŋ ŋina aya ŋikyal ŋuluce ka aponi tolimokinae ebe, ‘Tonyou tonyam ŋawat ŋuna alalak.’

Osea 13:8

Agirakin ayoŋ ikes lopite ŋolo egirakinor etyaŋ ŋolo adedeŋan ituŋanan, kori etyaŋ ece ŋolo ecamit ademar iŋes ŋitak keŋ ka apunori ayoŋ ŋakookyes kec, erikari ayoŋ ikes lopite ŋolo irikarya eŋatuny etyaŋ ŋolo eari, kori lopite ŋolo enyilinyiliyarya etyaŋ ŋolo adedeŋan ityaŋ ŋini earit.

Ŋikat. 18:25

Toboŋokis ŋituŋa a ekabila a Dan iŋes temasi, “Tocoite imyekini etoil kon kiirarae isua, acepaki epedori ituŋanan ice alokidiŋ kosi ŋini epatana akiŋo akiar iyoŋ, ido icakari iyoŋ akiyar kon ka akiyar a ŋituŋa a ekal kon.”

1 Sam. 16:18

Tema esorokit epei, “Ayeni ayoŋ lokoku a Yese a ŋolo alo Betelem atemar erami agita ejok nooi, erae iŋes ekile ŋolo etitiny, ekajion, irworo ejok nooi, erae iŋes ŋolodirya ka akuwan, ido eyai Ekapolon kaapei ka iŋes.”

1 Sam. 17:50

Aŋun, abu Daudi kilou Epilistait ŋol kan amoru ka adoe, topet Epilistait tocakakin kwap, totwan; amam ekileŋ atiŋit Daudi.

1 Sam. 23:23

Toripa ŋakiboisyo daadaŋ toyenut neni eŋopenenea iŋes, ido toboŋut neni kaŋ iyakatar ŋakiro ŋuna a kire. Apedori nai ayoŋ arukor ka iyes; ani keriŋa iŋes eyai nen, ewari ayoŋ iŋes natekerin a Yudaya daadaŋ.”