2 Sam. 17:14 - Ebaibul

¹⁴ Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:14 Iomraidhean Croise

Akisy. 32:28

Tema iŋes neni a Yakob, “Nyenyarao nabo ekiro kon Yakob, nai enyarao Isirael, anerae idayu iyoŋ akisilek Akuj ka ŋituŋa, ido ibu iyoŋ kidaŋidaŋ.”

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 15:34

Nai ani kiboŋo iyoŋ lotaun, ido tolimok Abusalom ebe, ‘Okoe erwosit, kimyekinae ayoŋ oruwor eketiyan kon, arae paaran ayoŋ eketiyan a papa kon, nai tokona acamuni ayoŋ aruwor eketiyan kon.’ Ipedori nai iyoŋ aŋuna kaŋ akitepeg ka awoun ŋakiro ŋuna elimuni Aisopel.

2 Sam. 16:23

Apaki ŋin, ajokak ŋakiro ŋuna alimuni Aisopel, ekwaan ka ŋuna elimokini Akuj ituŋanan. Apotu Daudi ka Abusalom kiwuapa ŋakiro keŋ.

2 Ŋakiro a ŋirwa 10:15

Aŋun, abu erwosit toŋer ŋakiro a ŋituŋa, anerae arae neni ka Akuj abunitor akilocokinet ŋin, ikotere kiyookinor akirot ŋina aris Ekapolon kelimoki Yeroboam lokoku a Nebat aneni ka Aija a Esilonit.

2 Ŋakiro a ŋirwa 10:8

Nai abu Reoboam tojamuwa ŋakiro ŋuna alimokinete ŋikasikou iŋes, tolot neni a ŋisorok a ŋulu arae ŋikesa keŋ, ŋulu etiyanakinete iŋes.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

2 Ŋakiro a ŋirwa 25:20

Nai abu Amasia nyecamu ŋakiro ŋun, anerae arae acamit ŋina ka Akuj, ikotere ipotokini ikes neni a Yeoas aŋuna aponiata kilipa neni a ŋakujo a Edom.

Neem. 4:15

Ani iirarete ŋimoe kosi atemar keyenun isua ŋuna atukunito ikes akitiya ka atemar adau Akuj amunaar ŋuna atukunito ikes akitiya, aponi isua daadaŋ toboŋoroe lotic ŋolo ka akiduk arwatata, toboŋo ŋinituŋanan lotic keŋ.

Yob 12:17

Elemari aosou aneni a ŋulu iŋarakinito ekepukan akipuka ejok, ituruwonori ŋikatubok ŋakiro ŋibaŋaanotin.

Ŋikiru. 9:15

Adaut ŋituŋa a ŋakwapin alomar nakipany ŋina abokete ikes pei; erum ŋakejen kec pei atibait ŋina ewuaito ikes.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Ŋakit. 19:21

Epedori ituŋanan ayere anatameta keŋ akitiya ŋakiro ŋuna alalak, nai erae ŋuna ecamit Ekapolon ikes bon itiyakin.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Amos 9:3

Tari keŋopa ikes alokidiama emoru Karimel, ewaruni ayoŋ ikes aina ekamu, tari keŋopa ikes anakonyen kaŋ, todoiyosi tooma anam, alimokini ayoŋ emun ŋolo ka anam tokony ikes.

Luk. 16:8

“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

Ŋikis. 2:30

Nai abu erwosit Sikon nyikicamak isua kitoroi nakwap keŋ, anerae aris Ekapolon Akuj kus kitogogoŋ akou keŋ, inak etau keŋ topeganiar, ikotere Ekapolon ipotokini iŋes neni kus lopite ŋolo etiyakinia tokona.

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.