2 Sam. 16:23 - Ebaibul

²³ Apaki ŋin, ajokak ŋakiro ŋuna alimuni Aisopel, ekwaan ka ŋuna elimokini Akuj ituŋanan. Apotu Daudi ka Abusalom kiwuapa ŋakiro keŋ.

2 Sam. 16:23 Iomraidhean Croise

2 Sam. 15:12

Apaki ŋina ainakinia Abusalom ŋamuronisya neni ke Ekapolon, abu iŋes kiyakiya ituŋanan neni ka Aisopel a ŋolo a Gilo, a ŋolo arae ekeŋarakiniton Daudi. Aboi Aisopel lotaun a ŋolo anyaritae Gilo. Kiyatakin nooi acamit ŋina ka akikamar apukan aneni a erwosit, torubakis ŋituŋa ŋulu ariito ka Abusalom iyatasi.

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:1

Ekaku a ŋirwa a ŋidi, tema Aisopel neni ka Abusalom, “Kimyekinae ayoŋ oseu ŋikilyok ŋalipyo ŋatomon ka ŋaarei, ido nai orotok akiwarit Daudi takae nakwaare.

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ekal. 10:1

Lopite ŋolopei epedoryata ŋicuc ŋuluatwak akitobosun akimyet ŋina sek ejok eure, eperi abaŋao ŋina edit nooi amunaar aosou ka apolou.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Luk. 16:8

“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”

Ŋirom. 1:22

Ebasi ikes ikiosok, nai erae ŋibaŋaanotin.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

1 Sam. 30:8

Kiŋit nai Daudi Ekapolon ŋuna emaikina iŋes kitiya tema, “Atupakini ba ŋimoe ŋulu keremete ne? Apedori ayoŋ arukaun ikes a?” Toboŋok Ekapolon iŋes tema, “Totupak; anerae kire jik, irukauni iyoŋ ikes ka kire jik, inyakuni iyoŋ ŋituŋa ŋulu erikitoe.”