2 Sam. 16:21 - Ebaibul

²¹ Toboŋok Aisopel tema, “Ape kituruwo ŋaberu a papa kon ŋuna nyiitit ŋuna kon. Nakiro ŋun nai eanyuniata Ŋisirael daadaŋ atemar kimanakinosi iyoŋ ka papa kon, ido isimukekinosi ŋulu iriito ka iyoŋ daadaŋ.”

2 Sam. 16:21 Iomraidhean Croise

Akisy. 34:30

Tema nai Yakob neni a Simeon ka Lepi, “Iyaut iyes neni kaŋ ŋatyokisyo; aŋuna ikitidiŋakineta iyes ayoŋ ka Ŋikanaani ta Ŋiperisi, ŋituŋa ŋulu ka akwap a na. Ekudyoko ŋituŋa kaŋ, ido kecunakin ŋituŋa ŋul ekesiiryata ayoŋ, akamunaaryo ayoŋ kaapei ka ekal kaŋ daadaŋ.”

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

Akisy. 38:16

Tori neni ayai Tamar anawae erot, tema, “Bua, tocamakinae ayoŋ eryamakinos ka iyoŋ.” Alimuni iŋes ŋun, anerae pa ayeni atemar arae ŋin nateran keŋ. Kiŋit Tamar iŋes tema, “Nyo ikiini iyoŋ ayoŋ, ikotere okocamak ayoŋ iyoŋ eryamakinos ka ayoŋ?”

Akisy. 6:4

Ayakasi nakwap apaki ŋin ŋituŋa ŋulu aris kejamuwasi Akuj, ŋulu anyaritae Ŋinepilim. Ayakasi ikes tari apaki ŋina eturuworyata ŋidwe a Set ŋulusapa ŋidwe a ŋituŋa ŋulupesur ŋaberu kec, ŋuna apotu touruut ŋidwe aŋuna kec. Arae Ŋinepilim ŋarwonita ŋuna koloŋ ayakasi nakwap, ŋikilyok ŋulu ayenen.

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 12:11

Irworo Ekapolon ŋakiro nu, eketeryamuni ayoŋ iyoŋ ŋican alotuŋa a ŋulu a ekal kon ke elope; ido alemari ayoŋ ŋaberu kon ite iyoŋ, epotok ikes neni a ekidunyet kon, kiryamakinos ka iŋes naparan pa eŋopito a iwadio.

2 Sam. 13:5

Tema Yonadab neni ka Aminon, “Ape toper alokitaada kon, kiredak esibit idyaka, ido ani ebuni papa kon aanyun iyoŋ, tema iyoŋ neni keŋ, ‘Kimyek nakaapa kaŋ Tamar bu laalo okoinak ayoŋ akimuj adio emuj ayoŋ, eŋolik ayoŋ epite ŋolo itemonokinio iŋes, ido emuj edakit iŋes.’ ”

2 Sam. 15:16

Aŋun, abu erwosit torotok, kiwuapakis ŋituŋa a ekal keŋ daadaŋ, mati ŋaberu keŋ ŋatomon ŋuna pa eitit, ŋuna abu iŋes kicikak akitere akai.

2 Sam. 16:20

Tema Abusalom neni ka Aisopel, “Tolimokinae isua ŋakiro ŋadi. Nyo emaikina isua kitiyae?”

2 Sam. 17:7

Tema nai Usai neni ka Abusalom, “Nyejokak apaki na ŋakiro ŋuna adau Aisopel alimun.”

2 Sam. 2:7

Aŋun, totitinyoto ka todedeŋiata, anerae atwana Saul ekapolon kus, ido adaut ŋituŋa a Yudaya aseun ayoŋ aruwor erwosit kec.”

2 Sam. 20:3

Todolu Daudi kai keŋ ŋina ka apukan ŋina ayai Yerusalem, tonyara ŋaberu keŋ ŋunatomon ŋuna pa eiitit, ŋuna sek emyekinit iŋes akitere akai keŋ. Kiwuak ikes kai ka apukan, kitei aneni. Abu Daudi kitan ikes a nen, nai nyiryamakina iŋes ka ikes. Aŋun, aponi ŋaberu ŋun kidarae a nen akitodol akoloŋit ŋina atwania ŋinaberu. Apotu ikes kiboiyoto a nen esibit erae ŋapuseru.

1 Ŋirw. 11:25

Torubak Reson erae emoit ŋolo a Isirael ŋirwa daadaŋ ŋulu epukator Solomon, kican iŋes Solomon lopite ŋolo ecanitor Adad Solomon. Abu Reson kipuka Aram, torubak imanit Isirael.

1 Ŋirw. 2:17

Tema Adoniya, “Okoe, kiŋit kareca erwosit Solomon okoinak ayoŋ Abisag ŋina erae Asunamit toruwor aberu kaŋ, anerae ayeni ayoŋ atemar nyeŋeri Solomon ŋuna iŋisi iyoŋ iŋes.”

1 Ŋirw. 2:22

Toboŋok erwosit Solomon toto keŋ tema, “Kaanukiro iŋitar iyoŋ Abisag ŋina erae Asunamit toruwor aberu ka Adoniya? Nyo bo nyiŋitar aŋuna keŋ apukan daŋ? Anerae erae iŋes lokaato kaŋ ŋolokiyae; nyiŋit ŋun aŋuna keŋ bon nai kiŋit daŋ aŋuna ka Abiasar a esacaradoti ka aŋuna a Yoab alokoku Aseruya a ŋulu eriitotor iŋes.”

Ŋilep. 18:8

Nyiryamakinosi ka aberu a papa kon ŋinace. Erae ŋun ajamuwar papa kon.

Ŋilep. 20:11

Ani kiryamakin ekile ka aberu a papa keŋ, adau ekile ŋol ajamuwar papa keŋ. Emaikina toarae ekile ŋol ka aberu ŋin; erae atwanare kec nakyes kec.

Sakar 8:13

Ŋituŋa a Yudaya ka Isirael! Ikwapei paaran iraakatar iyes ŋulu ikilamete ŋigelaanotin, akaiuni tokona ayoŋ iyes toruworos arereŋu. Aŋun, totitinyokiata, Nyikuryaketa!”

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!

1 Sam. 13:4

Ani iirarete Ŋisirael daadaŋ, atemar elou Saul ajore a Ŋipilistin ka eman tokona Ŋipilistin Ŋisirael, aponi tonyaraunae Ŋisirael daadaŋ akimorikin ka Saul alo Giligal.

1 Sam. 27:12

Ekinyomit Akis Daudi nooi aŋuna atamya ebe, “Nyeriŋa ŋituŋa a Daudi, Ŋisirael eminasi Daudi; aŋun, erubakini iŋes erae eketiyan kaŋ.”