2 Sam. 16:10 - Ebaibul

¹⁰ Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

2 Sam. 16:10 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

2 Sam. 19:22

Nai abu Daudi kiŋit iŋes tema, “Nyo mono emaikina ayoŋ etiya neni kus ŋidwe a Seruia ŋulusapa, aŋuna iruworotor iyes nakoloŋit na ŋimoe kaŋ? Ejok mono akiar ituŋanan idio alo Isirael akoloŋit na a? Nyeyenuna mono ayoŋ akoloŋit na atemar arae ayoŋ erwosit ŋolo epukat Isirael a?”

2 Sam. 19:23

Tema nai erwosit neni a Simei, “Mam nyakaari ayoŋ iyoŋ.” Kikoŋ erwosit neni a Simei.

2 Sam. 3:39

Mam ayoŋ agogoŋu eyai nakoloŋit na tari daŋ karae ayoŋ erwosit ŋolo akaseunitae. Ededeŋ ŋidwe a Seruia ŋulusapa lu ekeloito ayoŋ, elipi ayoŋ Ekapolon kitiya aronis neni a ŋolo ityae aronis, lopite ŋolo ka aronis keŋ!”

1 Ŋirw. 17:18

Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

1 Ŋirw. 2:5

“Nabo daŋ iyeni iyoŋ ŋakiro ŋuna abu Yoab lokoku Aseruya kitiya neni kaŋ, epite ŋolo abunio iŋes kisicania ŋikarikok ŋuluarei, ŋulu a ajore a Ŋisirael. Ikes Abiner lokoku a Ner ka Amasa lokoku a Yeser, ŋulu abu iŋes toar. Abu iŋes tobuko ŋoakot kec ŋirwa ŋulu esilitere, aŋuna ka akinyaŋia ŋoakot ŋuna aris kebukor apaki ŋina ajiere ido abu kitereŋ a ŋaokot a ŋun arokoba ŋina anapit iŋes anacir ka ŋamuk ŋuna anapit iŋes.

2 Ŋirw. 18:25

Nabo daŋ, nyabunit ayoŋ amunaar akwap na aŋuna kaŋ bon pa akalimokinit Ekapolon. Ekapolon Akuj iŋes pei abu ekecikak ayoŋ abunore akirem ka amunyar akwap na.”

Yob 9:12

Elemanari iŋes, ŋae epedori akiretakin iŋes tojoŋo alemanar? Ŋae elimokini iŋes ebe, ‘Nyo itiyae iyoŋ?’

Ŋikiru. 39:9

Eliliŋi ayoŋ; mam ŋakiro alimuni, anerae iyoŋ idau akiteryamun ayoŋ ŋican ŋul.

Ekal. 8:4

Aŋuna emaikina kiwuapae ŋuna irworo erwosit, mam ituŋanan ecamakinitae kitepeg erwosit anakiro a ŋuna irworo erwosit.

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Mat. 16:23

Toboboŋ Yesu tolimok Petero tema, “Tolot aneni kaŋ Satan! Irae iyoŋ ŋolo ikiretakinit ayoŋ, anerae ŋatameta kon nyeponito aneni ka Akuj, nai eponito alotuŋa.”

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Yoa. 18:11

Tolimok Yesu Petero tema, “Kinyakak atum kon nakuraro! Itami iyoŋ atemar nyamasi ayoŋ ekopo ŋolo a ŋican ŋolo akainaki ayoŋ Papa kaŋ lo a?”

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’