2 Sam. 16:1 - Ebaibul

¹ Ani etiyaar Daudi iwadio alokiŋaren emoru, bu neni keŋ eketiyan a Mepiboses ŋolo anyaritae Siba. Amet Siba ŋisigirya ŋiarei ŋulu ewokito ŋasaaja ŋuna aya ŋamugati ŋamiae ŋaarei ŋaboboryo amiat ŋuna etiyatae esibit ŋamugati ka ŋaraito ŋuna imujio nakamu ta ebur ŋolo etiyaunitae a elou a ibarasit ŋolo eturitae epiini.

2 Sam. 16:1 Iomraidhean Croise

2 Sam. 15:30

Nai torotok Daudi a nen, kitipek emoru a ŋikito a ŋulu enyaritae Olipa, igworo elosi pa enapit ŋamuk; kimukite akou. Emukito ŋituŋa daadaŋ ŋulu arukito ka iŋes ŋakyes, kigworosi itipeete emoru.

2 Sam. 15:32

Ani edoluni Daudi kidiama emoru ŋol, neni aminatar ŋituŋa akilipya neni ka Akuj, bu Usai ŋolo arae Earikait aanyun Daudi a nen. Anapit Usai ekaaso ŋolo arocom ka eleleba apuwa nakou keŋ.

2 Sam. 19:17

Arukito iŋes ka ŋituŋa ŋulu alo Benjamin aliput. Apotu Siba daŋ ŋolo arae eketiyan alore a Saul kiwonyakis kaapei ka ŋidwe keŋ ŋulusapa ŋitomon ka ŋikan ka ŋiketiyak keŋ ŋatomoniarei, totiyaaros Yorodan neni ayai erwosit.

2 Sam. 19:32

Arae Barisilai ekile ŋolo amojoŋit nooi, arae ŋikaru keŋ ŋatomonikanikauni. Kebu iŋes kitan erwosit apaki ŋina eboiyo erwosit alo Maanaim, anerae arae Barisilai ekile ŋolo abarit.

1 Ŋakiro a ŋirwa 12:40

Ayaunito daŋ neni kec akimuj ŋikidunyetkec ŋulu alo Isakar, Sebulon ka Naputali. Aayeneneo akimuj ŋin neni kec a ŋisigirya, a ŋikaala, a ŋaŋolei-sigirya ka a ŋimoŋin. Alalak ŋamuja ŋun nooi, ido arae ikes nu: Ŋakirya, ŋimugati ŋulu ipounitoe a ŋaboboryo, ŋaboboryo ŋuna erukitoe esibit ŋamugati, epiini, akimyet, ŋimoŋin ka ŋamesekin. Etoodiunito ŋul daadaŋ alelyanu ŋina ayai Isirael daadaŋ.

Ŋakit. 18:16

Eŋae ainakinet neni itori ituŋanan ŋini einanakini, ido itodoli ainakinet ituŋanan neni eyai ituŋanan ŋini apolon nooi.

Yer. 40:10

Ani eruwor ayoŋ, eboi ayoŋ alo Misipa okowoik iyes alokiŋaren Ŋibabiloniyae ŋulu epote neni yok; nai iyes, emaikina tolema ŋaraito a epiini, ŋaraito ŋuna ka akamu ka akimyet, kiŋadakis ikes loboro kus ka kiboiyoto alotaunio a ŋulu idaut iyes akikamar.”

Yer. 40:12

apotu Ŋiyudayan toboŋut anakiboisyo a daadaŋ a ŋuna keponi ikes kielarae, toboŋut nakwap a Yudaya neni a Gedalia a ŋolo ayai Misipa, tosodi apotu ikes tolema ŋaraito a epiini ŋuna alalak ka ŋaraito ŋuna ka akamu ŋuna alalak.

Amos 8:1

Abu Ekapolon ekesileerek ayoŋ ŋakiro nu: Abu ayoŋ eŋolik Ebukit ŋolo aya ŋaraito ŋuna akonok.

Mika 7:1

Emam akigeno apei daŋ eyai neni kaŋ! Ikikwaanikin ayoŋ ka ituŋanan ŋini enyamit akoro, ŋini ani elosi lokitoe ecamit ŋaraito, nyeryamu tari apei imyekinitae ka nyeryamu tari arait ke epiini apei daŋ, toryamu epiini ka ŋaboboryo ŋuna akonok daadaŋ kigyeror.

1 Sam. 10:3

Ilunyar nai iyoŋ a nen kiŋaren, todol lokuyon ŋolo eyai Tabor; ido iryamun iyoŋ nen ka ŋikilyok ŋiuni ŋulu elosete Besel neni ka Akuj. Edakit epei ŋikaalei ŋiuni, edakit ŋolo a ŋiarei ŋamugati ŋauni, ido ŋolo a ŋiuni edakit ecwee ŋolo ke epiini.

1 Sam. 16:20

Tolemu Yese esigirya toenik, kiwuak ŋamugati, ecwee ŋolo ke epiini ka ikale ŋini ka ameot, kiyakiya lokoku keŋ Daudi ya neni a Saul.

1 Sam. 25:18

Tonyou nai Abigail atipei a nen, tolot tolemu ŋamugati ŋamiae ŋaarei, ŋitwol a epiini ŋiarei, ŋamesekin ŋakan ŋuna apeitoe ejok, tooku ŋikinyom ŋulu ewawatae ŋakiloi ŋatomon ka ŋakanikaarei, tolemu ŋaraito a epiini ŋuna arukitoe amiat, ŋuna ikwaan ka ŋamugati ka ŋaboboryo ŋuna arukitoe ŋamiae ŋaarei, ŋuna ikwaan ka ŋamugati. Toenik iŋes ŋiboro ŋul daadaŋ kiwoko ŋisigirya.