2 Sam. 15:31 - Ebaibul

³¹ Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 15:31 Iomraidhean Croise

2 Sam. 15:12

Apaki ŋina ainakinia Abusalom ŋamuronisya neni ke Ekapolon, abu iŋes kiyakiya ituŋanan neni ka Aisopel a ŋolo a Gilo, a ŋolo arae ekeŋarakiniton Daudi. Aboi Aisopel lotaun a ŋolo anyaritae Gilo. Kiyatakin nooi acamit ŋina ka akikamar apukan aneni a erwosit, torubakis ŋituŋa ŋulu ariito ka Abusalom iyatasi.

2 Sam. 16:23

Apaki ŋin, ajokak ŋakiro ŋuna alimuni Aisopel, ekwaan ka ŋuna elimokini Akuj ituŋanan. Apotu Daudi ka Abusalom kiwuapa ŋakiro keŋ.

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Sam. 17:5

Tema nai Abusalom, “Tonyarautu Usai daŋ Earikait laalo, ido eirasi ŋuna elimuni iŋes daŋ.”

2 Sam. 17:7

Tema nai Usai neni ka Abusalom, “Nyejokak apaki na ŋakiro ŋuna adau Aisopel alimun.”

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 109:3

Ekerikaununeete ikes ayoŋ irworosi ŋakiro ŋuna ekemanitotor; akabenyununeete ayoŋ emam ŋuna asecit.

Ŋikiru. 3:1

Okoe Ekapolon, etya mono ai ŋimoe kaŋ! elalak ŋulu ekemanito ayoŋ,

Ŋikiru. 41:9

Tari lokone kaŋ ŋolo amina ayoŋ nooi, ŋolo ekinyomit ayoŋ nooi, ŋolo abu omora ka ayoŋ akimuj, akaluki ayoŋ.

Ŋikiru. 55:10

Irimito ikes ŋarwatatain ŋuna ke etau apaaran ka akuwar, ido eyakasi tooma etaun aara make ka ŋican.

Ŋikiru. 55:12

Ani kerae torae ŋimoe ekeyanyete ayoŋ, kedaŋidaŋak ayoŋ ŋiyany kec, ani kerae torae ŋimoe akajamuwarito ayoŋ; kaŋop ayoŋ aneni kec.

Isa. 19:3

Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Yoa. 13:18

Nyerworo ayoŋ aŋuna kus a daadaŋ, ayeni ŋulu adau ayoŋ aseun; nai ikotere kiyookinotor ŋuna igiritae Nakigireta ebe, ‘Abu ituŋanan ŋini ikimori ka ayoŋ okoluki ayoŋ.’

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.