2 Sam. 15:2 - Ebaibul

² Amina Abusalom anyounun eriŋa ataparacu, ido tolot towo alodiyete erot ŋolo elosi lopuke ke etaun. Apaki daadaŋ ŋina ebunio ituŋanan neni ke erwosit ecamit akisitakin ŋinice, ikotere totub erwosit ŋakiro kec, amina Abusalom anyaraanar ŋinituŋanan ebuni, kiŋit tema, “Lotaun ali ibunitor iyoŋ?” Ani eboŋokini ituŋanan ŋin ebe, “Abunit ayoŋ alotaun ebe ati ka anateker ebe ati a ŋina alo Isirael,”

2 Sam. 15:2 Iomraidhean Croise

Akisy. 34:20

Toloto Amor ka lokoku keŋ Sekem lopuke ŋolo a etaun kec akisirwor ŋituŋa ŋulu a etaun kec temasi,

2 Sam. 19:8

Aŋun, abu erwosit tonyou tolot kiboikin diyete epuke. Ani elimokinio ŋasigarya ŋakiro ŋun ebe, “Iboi erwosit alopuke,” apotu ikes daadaŋ potu kiŋaren erwosit. Apaki ŋin, aris Ŋisirael daadaŋ keema lorerya kec.

2 Ŋakiro a ŋirwa 10:7

Toboŋokis ikes iŋes temasi, “Ani kirimaaniar iyoŋ aneni kec ka kitalaka ikes anakiro aŋuna iboŋokini iyoŋ ikes, eruwor ikes ŋiketiyak kon ŋikaru ka ŋikaru.”

Yob 24:14

Enyoununeete ŋikaarak apaki ŋina iryonunia akwap daadaŋ aŋuna ka akiar ikulyakit ka ŋini a ŋican, elosete ikes nakwaare ikwapei ŋikokolak.

Awos. 18:14

Ani iŋolikini lokamuran a Moses etic daadaŋ ŋolo etiyae Moses aŋuna a Ŋisirael, tema, “Anukiro nu ŋuna itiyae iyoŋ aŋuna Ŋisirael nu? Kaanukiro eraakar iyoŋ bon iboi towuas ŋituŋa ŋuluce ikirimokinito iyoŋ kidiŋ ŋinapei taparacu tari eboŋ?”

Awos. 18:16

Apaki daadaŋ ŋina eyakatar ikes ebura, eponeneete ikes neni kaŋ otub ayoŋ ŋakiro a ŋulu iburaete, ido olimok ikes ŋikisila ka ŋakiciketa ŋuna ka Akuj.”

Awos. 18:26

Apotu ŋikilyok ŋul kitiyata ikwapei ŋikatubok ŋakiro a ŋituŋa ŋapakio daadaŋ. Yaanasi ikes ŋiburasinei ŋulu atyonok neni a Moses, nai ŋulu apatanak daadaŋ apotu ikes totubo.

Ŋakit. 4:16

Nyejotoonor ŋulu itiyaete aronis mati kitiyata ibore idio ŋini aronon; ekyenyete ikes jik eperete mati kewana ituŋanan ice.

Dan. 11:21

Ilunyokin lorot keŋ ekile ŋolo ejamuwaritae ŋolo nyeinakinitae apedor ŋinakipukaet, ikamari iŋes apukan pa eyenio, ido toruwor ekepukan anakitojoka.

Mat. 27:1

Ani taparacu eriŋa akwap elilim, apotu ŋisacaradotin ŋulu apolok daadaŋ ka ŋikatukok totukut epite ŋoloaret Yesu.

Ŋikis. 17:8

Ani keyakaun ŋakiro ŋuna ikityonikinit iyes akitub, kerae ŋuna earitor ituŋanan ŋinice, kori kemaryaete ŋituŋa ŋiboro, kori kewanit ituŋanan ŋinice, ani eyai ebura a ŋakiro a ŋuna ikote ŋun alotaunio kus, emaikina iyes toloto atipei kitipeiyosi nakibois ŋina eseuni Ekapolon Akuj kus,

Rus. 4:1

Tonyou Boas tolot lotemu diyete epuke ke etaun kiboikin nen. Apaki ŋinapei, totubun eyenet ŋolo sek alimokinit Boas Rus. Tema Boas, “Iŋes lo, toriu laalo kiboikin ne.” Toriu ekile ŋol kiboikin.