2 Sam. 15:14 - Ebaibul

¹⁴ Tema nai Daudi neni a ŋikapolok a daadaŋ a ŋulu epukatotor iŋes, a ŋulu ayakasi Yerusalem ka iŋes, “Tonyoutu, apena oema! Acepaki nyikibucar iwon aneni ka Abusalom. Kiwonyutu ikotere nyikirukau iŋes iwon, ikimunya; toar ŋituŋa alotaun.”

2 Sam. 15:14 Iomraidhean Croise

2 Sam. 12:11

Irworo Ekapolon ŋakiro nu, eketeryamuni ayoŋ iyoŋ ŋican alotuŋa a ŋulu a ekal kon ke elope; ido alemari ayoŋ ŋaberu kon ite iyoŋ, epotok ikes neni a ekidunyet kon, kiryamakinos ka iŋes naparan pa eŋopito a iwadio.

2 Sam. 15:15

Temasi ŋulu epukatotor erwosit, “Erwosit, isua ŋiketiyak kon, ikitenit akitiya daadaŋ ŋuna ilimuni iyoŋ ekapolon kosi.”

2 Sam. 19:10

ido Abusalom ŋolo aponi iwon kituruworoe erwosit ikipuka iwon, atwana alojie. Aŋun, kaanukiro nyirworotor iyes ŋakiro ŋadi ŋuna kitoboŋunet erwosit?”

2 Sam. 19:9

Ayai akiŋuruŋura neni a Ŋisirael a daadaŋ apaki ŋin; ŋulutuŋa anateker kec ebasi, “Abu erwosit itoiu iwon anakan a ŋimoe yok; iŋes abu itoiu iwon anakan a Ŋipilistin. Nai tokona aem iŋes anakwap keŋ aŋuna ka Abusalom;

Ŋikiru. 51:18

Analakari kon ka alope, kitiya ŋuna ajokak Sion; todukok nabo ŋarwatatain a Yerusalem.

Esek. 46:18

Nyemaikina ekepukan todemana ŋituŋa ibore ŋini erae ŋini kec, emaikina iŋes inak ŋidwe keŋ ŋulusapa ibore ŋini eruwor ŋini kec aloboro keŋ a elope, ikotere nai nyedemar idio alotuŋa kaŋ ibore ŋini erae ŋini kec.”

Mat. 11:12

Ameun alorwa a Yoana ke Ekebatisan akitodol tokona, eryamunit Apukan ka Akuj ŋican ŋulu apolok; nabo eŋirikinito ŋikadedeŋak alemar iŋes ka agogoŋu.

Luk. 10:15

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak!”