2 Sam. 15:10 - Ebaibul

¹⁰ Nai abu Abusalom kiyakiya anakimunono ŋikaripiripak natekerin a Isirael daadaŋ tema, “Ani iirarete iyes abureryaŋ a emesek eruuni, tocelutu atipei temasi, ‘Aruwor Abusalom erwosit alo Eburon!’ ”

2 Sam. 15:10 Iomraidhean Croise

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

2 Sam. 14:30

Tema nai Abusalom neni a ŋiketiyak keŋ, “Kiirasi, idunyasi emanikor a Yoab ka ŋolo kaŋ, itat iŋes ŋikinyom ŋulu esibit erau nen; apesi kicunyakisi.” Aŋun, apotu ŋiketiyak ka Abusalom kicunyakis emanikor a Yoab.

2 Sam. 15:9

Tema erwosit neni keŋ, “Ape ke ekisil” Aŋun, abu Abusalom tonyou, tolot Eburon.

2 Sam. 19:10

ido Abusalom ŋolo aponi iwon kituruworoe erwosit ikipuka iwon, atwana alojie. Aŋun, kaanukiro nyirworotor iyes ŋakiro ŋadi ŋuna kitoboŋunet erwosit?”

2 Sam. 2:1

Ekaku ke eete a ŋol, abu Daudi kiŋit Ekapolon ŋuna emaikina iŋes kitiya tema, “Alosi ba etipeiyo lotaun a Yudaya edio?” Toboŋok Ekapolon iŋes tema, “Kitipeiyo.” Kiŋit Daudi iŋes tema, “Lotaun ali etipeiyori?” Toboŋok Ekapolon tema, “Ape Eburon.”

2 Sam. 2:11

Abu Daudi kipuka ŋituŋa a Yudaya alo Eburon ŋikaru ŋikanikaarei ka ŋilapyo ŋikanikapei.

2 Sam. 5:5

Abu iŋes kipuka Yudaya alo Eburon ŋikaru ŋikanikaarei ka ŋilapyo ŋikanikapei. Tosodi abu kipuka Isirael daadaŋ ka Yudaya alo Yerusalem ŋikaru ŋatomoniuni ka ŋiuni.

1 Ŋirw. 1:11

Abu nai Nasan kiŋit Basiseba toto a Solomon tema, “Eriŋa iyoŋ nyiirara atemar aruwor Adoniya lokoku ka Agis erwosit ka nyeyeni ekapolon yok Daudi ŋun a?

1 Ŋirw. 1:34

Ani idolete nen, tolimokis esacaradoti Sadok ka ekadwaran Nasan kiosakis iŋes akimyet kituruwosi erwosit a Isirael. Ani ekaku, tokutakis arupepe temasi, ‘Ikigasi isua torubak erwosit Solomon eyari.’

2 Ŋirw. 9:13

Apotu ŋikapolok a ŋasigarya daadaŋ ŋulu sek arukito ka Yeu tolacut ŋilowi kec atipei, topetakis neni edokere elomaryo kai, towo Yeu a nen. Tokutakis ikes ŋarupepe tocelut ebasi, “Yeu iŋes erae erwosit!”

1 Ŋakiro a ŋirwa 11:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ lopite ŋolo alimunitor Ekapolon aneni a Samuel.

1 Ŋakiro a ŋirwa 12:23

Erae lo ekimar a ŋasigarya a ŋuna ayakatar ŋiboro ŋulujiet, a ŋuna apotu toloto neni a Daudi alo Eburon, aŋuna ka akikamar apukan a Saul inakinae Daudi, lopite ŋolo kelimunitor Ekapolon.

1 Ŋakiro a ŋirwa 12:38

Apotu ŋikajiok ŋul daadaŋ ŋulu etemokino aŋuna ke ejie, toloto Eburon, acamito ikes jik akituruwor Daudi erwosit anakwap a Isirael a daadaŋ. Emorikina Ŋisirael daadaŋ anacamit a ŋin.