2 Sam. 14:4 - Ebaibul

⁴ Ani edoluni aberu ŋina alo Tekoa neni a erwosit, kijuuru todol ereet kwap, kitoodiu akitopoloorit keŋ erwosit, ido tema, “Kiŋarakinae ayoŋ, okoe erwosit!”

2 Sam. 14:4 Iomraidhean Croise

2 Sam. 1:2

Ani epete ŋirwa ŋiuni, bu ekile ece analomar a Saul, enapit ŋilowi ŋulu acilicila ka tooŋoryana akou keŋ. Ani edoluni iŋes neni a Daudi, toryedik itoodiunit akitopoloorit keŋ Daudi.

2 Sam. 14:22

Toryedik Yoab alokwap, kijuuru todol ereet kwap, itoodiunit akitopoloorit keŋ erwosit. Kilip iŋes arereŋu toyakaun neni a erwosit, ido tema, “Aanyu ayoŋ eketiyan kon nakoloŋit na atemar ajok aneni kon ekapolon kaŋ erwosit, anerae icamu iyoŋ erwosit akitiya ŋuna eŋita ayoŋ eketiyan kon.”

2 Sam. 14:5

Kiŋit erwosit iŋes tema, “Anukiro ikiryebete iyoŋ?” Toboŋok iŋes tema, “Arae ayoŋ apuserut, adau ekile kaŋ atwanare.

2 Sam. 18:28

Kiworou Aimas neni ke erwosit tema, “Ejokak ŋakiro daadaŋ.” Toryedik iŋes alokiŋaren erwosit kijuuru todol ereet kwap, ido tema, “Kipuroe Ekapolon Akuj kon, ŋina ikiinak iyoŋ akiloun ŋituŋa ŋulu ikimanito iyoŋ erwosit ekapolon kaŋ.”

1 Sam. 20:41

Arotokin edya bon, tonyouni Daudi alodiyete ataaba, toryedik alokiŋaren Yonasan ŋaryediket ŋauni ijuureene todol ereet kwap. Ekaku aŋun, tonuwakinos ikes kaapei, kikalout kaapei nai abu Daudi kigwor akilo Yonasan.

1 Sam. 25:23

Ani iŋolikini Abigail Daudi, todoku atipei alosigirya keŋ, toryedik alokiŋaren a Daudi, kijuuru todol ereet kwap.