2 Sam. 14:25 - Ebaibul

²⁵ Ŋapakio ŋun, mam ituŋanan alo Isirael ŋini epuritoe nooi aŋuna ka akibuses, akilo Abusalom, ameun anakejen aneni dapal tari lotim keŋ, mam ibore abasi ŋituŋa arono.

2 Sam. 14:25 Iomraidhean Croise

1 Ŋirw. 1:6

Mam sek ka aŋorot akoloŋit apei daŋ ŋina abunio papa keŋ kitoŋoya Adoniya kiŋit tema, “Kaanukiro itiyaa iyoŋ ikoŋina?” Arae daŋ Adoniya ekile ŋolo ebus, iŋes edounio ekaku Abusalom.

Yob 2:7

Abu nai Satan torotok alokiŋaren Ekapolon, kitiya ŋuna ka asiilyo neni a Yob kitolomu ŋajemei anakuwan a daadaŋ, ŋinapei anenidapal a ŋakejen tari kidiama akou.

Ŋakit. 31:30

Epedori ajokis a ituŋanan amodiyar ka erae akibuses a ituŋanan akoŋinait, nai aberu ŋina itopoloorit Ekapolon, emaikina kipuroe itojokitae nooi.

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Esek. 23:15

Etanapikinitae ŋitorubei ŋul ŋarokobae nacirin, ŋakopiyae ŋunawualuk anakyes, atakanete ikes daadaŋ esibit erae ŋikapolok ŋulu a Babilon, ŋulu eponito anakwap a ŋina enyaritae Kalidea.

Dan. 1:4

ŋikilyok ŋulusorok, ŋulu emam neni eŋwalit, ŋulu ebusak, ŋulu apiiryanak anaosou a daadaŋ, ŋulu epatana aryamun aosou ka ayenut itatamio ka ŋulu epedorito akitiya kai a erwosit, emaikina kitatamae ikes akigir ka akisyom ŋakiro ŋuna igiritae a ŋajep a Ŋibabiloniyae.

Mat. 23:27

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ikote iyes ŋalyalin ŋuna ilelyatae kiwosae neni akwaŋan kiŋa kibusyata, nai tooma kec ileleba ŋakoyo a ŋikatwak ka abosis daadaŋ.

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikis. 28:35

Itolomuni Ekapolon anakejen ka anakuŋin kus ŋilepunoe ŋulu eŋwalak, ŋulu nyiŋaleunioto iyes, elomunete ŋilepunoe ŋul ameun aneni dapal a akeju tari nakou.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”

1 Sam. 9:2

Ayakar Kis ikoku keŋ ŋinisapat ŋini anyaritae Saul, arae Saul esorokit ŋolo ebus, mam ekile alo Isirael ebus akilo iŋes; arae iŋes ekile ŋolo aoyan akilo Ŋisirael daadaŋ.