2 Sam. 14:19 - Ebaibul

¹⁹ Kiŋit erwosit iŋes tema, “Mam kire nyirworito iyoŋ ka Yoab ŋakiro ŋun daadaŋ a?” Toboŋok aberu ŋin tema, “Ekoŋi ayoŋ ekapolon kaŋ erwosit neni kon atemar ani ca kire eriŋa iyoŋ iyari, mam ituŋanan emaikina ikimunon iyoŋ ŋakiro ŋadi ŋuna iŋita iyoŋ ekapolon kaŋ erwosit. Iyookino, Yoab eketiyan kon abu ekecik ayoŋ, erae iŋes abu okolimok ayoŋ aketiyan kon ŋakiro daadaŋ ŋuna akalimok ayoŋ iyoŋ.

2 Sam. 14:19 Iomraidhean Croise

2 Sam. 11:11

Toboŋok Uria Daudi tema, “Eriŋa Asaduku ka Ŋisirael ta ŋituŋa a Yudaya iboiyete aloeemae, nabo Yoab daŋ ekapolon kaŋ ka ŋiketiyak a ekapolon kaŋ, iboiyete aneni elapat anariet. Apedori mono ayoŋ alosit kai kaŋ akimuj ka akimat, ido eryamakinos ka aberu kaŋ? Ekoŋi ayoŋ atemar ani eriŋa iyoŋ iyari, nyetiyakini ayoŋ ŋakiro ŋun.”

2 Sam. 14:18

Toboŋok nai erwosit aberu ŋin tema, “Nyimunon aneni kaŋ ŋakiro daadaŋ ŋuna ekeŋisi ayoŋ iyoŋ.” Tema aberu ŋin, “Ekapolon kaŋ erwosit, kiŋitae ayoŋ ŋakiro ŋuna icamit iyoŋ daadaŋ.”

2 Sam. 14:3

Ape neni a erwosit, tolimok iŋes ŋakiro ŋuna akalimokini ayoŋ iyoŋ.” Tolimok Yoab aberu ŋin ŋakiro daadaŋ ŋuna amaikina tolimok erwosit.

2 Sam. 18:13

Ani nai kerae oarite ayoŋ a akan kaŋ iŋes, (anerae mam ŋakiro amaikina kimunonoe aneni a erwosit), pa robo ca kicamu iyoŋ daŋ atemar ikirukit ka ayoŋ.”

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

2 Sam. 3:29

Pena ŋakiro ka atwanare ka Abiner nakou a Yoab ka neni a ŋituŋa a ekal a papa keŋ daadaŋ. Agasi ayoŋ nyebucar ŋituŋa a ekal a Yoab nyebucar ipei daŋ emam ajeme ŋina iposiposi, kori atapon, kori ŋini elosi a ŋakito, kori ŋini nyearyo ke ekileŋ, kori ŋini nyicanakin akimuj.”

2 Sam. 3:34

Pa ikirocitae iyoŋ ŋakan, pa ikirocitae iyoŋ a ŋiriko ŋakejen ibu iyoŋ imin nakan a ŋulu aronok. lopite ŋolo eminio ituŋanan nakan a ŋulu aronok.” Kikalout nabo ŋituŋa daadaŋ aŋuna ka Abiner.

2 Ŋirw. 2:2

Ani eriŋa ikes elosete, tolimok Eliya Elisa tema, “Kidoŋ ne; anerae ekeyakit Ekapolon ayoŋ alosit Besel.” Nai abu Elisa kikoŋ tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ.” Torukosi nai ikes Besel;

Awos. 4:15

Itemokino iyoŋ kirwor neni ka Aron, tolimok ŋakiro ŋuna emaikina iŋes kirwor. Ekeŋarakini ayoŋ iyes ka eketatami ayoŋ iyes ŋuna emaikina kitiyata.

Ŋakit. 25:2

Erae akililiŋiyanar ŋakiro akitopoloorit Akuj, nai erae akirworo a ŋirwosi ŋakiro ŋina itopolooritere ikes.

Ŋakit. 4:27

Nyitiyae ŋuna iyookino ka ŋuna aronok, torubak itiyae ŋuna iyookino bon.

Ekim. 20:17

Ikilipit tokona isua iyoŋ, kimyekinae isua totuboretei anakwap kon, nyeriyo isua lomanikor edio, kori lomanikor a ŋikito ke epiini, nyemasyo isua ŋakipi anakare ka adio, emekinio isua erot ŋolo a ŋirwosi, akitodol ŋina etuborere isua anakwap kon.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Ŋikis. 28:14

ka erae pa kimyekis iyes akiwuap ŋakiro keŋ erae pa kimyekis iyes akitiya ŋuna iyookino alokiŋaren Ekapolon erae pa kilipa ka kitiyanakis ŋakujo ŋace.’ ”

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.

1 Sam. 1:26

Tema Ana, “Okoe ekapolon kaŋ! Ikwapei iyarya iyoŋ ekapolon kaŋ, ayoŋ aberu ŋina paaran awoi a ne alokiŋaren ŋina elipa neni a Ekapolon.

1 Sam. 17:55

Ani iŋolikini Saul Daudi elosi akisiiryakin Epilistait, kiŋit Abiner ŋolo arae ekarikon ajore keŋ tema, “Abiner, lokoku a ŋae esorokit lo?” Toboŋok Abiner tema, “Ikwapei iyarya iyoŋ okoe erwosit, nyayeni ayoŋ.”

1 Sam. 20:3

Nai abu Daudi kikoŋ tema, “Eyeni papa kon nooi atemar ikimina iyoŋ ayoŋ, ido ŋuna etami iŋes ikes nu ebe, ‘Nyemaikina kiteyenikinae Yonasan ŋakiro nu, acepaki iyaloloŋi.’ Nai kire jik, ikwapei eyarya Ekapolon ka ikwapei iyarya iyoŋ, eapi ayoŋ atwanare.”

1 Sam. 25:26

“Aŋun nai ekapolon kaŋ, ikwapei eyarya Ekapolon ka ikwapei iyarya iyoŋ; nabo ikwapei abunio Ekapolon ikiurya iyoŋ nyiar ka nyinyaŋ ŋimoe kon a ŋakan kon; kimyek ŋimoe kon ka ikes ŋulu iwarito akitiya aronis kikwaanikinos ka Nabal.