2 Sam. 14:11 - Ebaibul

¹¹ Tema aberu ŋin, “Ekapolon, kilip kare ca neni a Ekapolon Akuj kon, ikotere ekenyaŋan ŋolo ecamit akiar lokoku kaŋ nyiatak atwanare, nyear lokoku kaŋ.” Tema erwosit, “Ekoŋi ayoŋ alokiro ke Ekapolon a ŋolo eyari atemar, mam tari epeitimat anakou alokoku kon ŋolo edoe kwap.”

2 Sam. 14:11 Iomraidhean Croise

Akisy. 14:22

Nai tolimok Aburam erwosit ŋolo a Sodoma ŋol tema, “Adau ayoŋ akikoŋ neni ke Ekapolon ka Akuj a ŋina alokidiama nooi a ŋina asubi nakuj ka akwap,

Akisy. 31:50

Ani kiteryamu iyoŋ ŋidwe kaŋ ŋican, kori kiryamu iyoŋ ŋaberu ŋace kiyatak lodwe kaŋ, erae Akuj esuuda yok tari kemam ituŋanan ŋini ikirukit ka iwon a ne.”

2 Sam. 14:10

Toboŋok erwosit tema, “Ani kikilimok iyoŋ ituŋanan ŋakiro ŋun nabo, yau ituŋanan ŋin neni kaŋ, ido nyeboŋokini akicanit iyoŋ nabo.”

2 Sam. 14:12

Tema nai aberu ŋin, “Kimyekinae ayoŋ aketiyan kon okolimok iyoŋ akirot apei bon, ekapolon kaŋ erwosit.” Tema erwosit, “Tolimu.”

2 Sam. 14:21

Tema nai erwosit neni a Yoab, “Ejok nooi, acamu ayoŋ akitiyakin ŋun, kinyaku esorokit Abusalom.”

1 Ŋirw. 1:52

Aŋun, abu solomon toboŋok tema, “Ani ketakan iŋes erae ekile ŋolo ikinyoma, mam tari etimat epei daŋ anakou keŋ, nolo ecakakin kwap; nai ani ketakanu aronis aneni keŋ, etwani iŋes.”

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Ekim. 35:19

Ekenyaŋan iŋes ituŋanan ŋini eari ituŋanan ŋini earit ŋinice ŋini eyanatar iŋes, epedori ekenyaŋan akiar ituŋanan ŋini earit ŋinice apaki daadaŋ ŋina iryamunotor ikes.

Ekim. 35:21

kori ani kibap ituŋanan ŋinice aŋuna imanitor, ido totwan ituŋanan ŋin ibapyo, emaikina toarae ituŋanan ŋini ebapi ŋinice, erae ituŋanan ŋini ebapi ŋinice ekaaran; epedori ekenyaŋan akiar ituŋanan ŋini earit ŋinice apaki daadaŋ ŋina iryamunotor ikes.

Ekim. 35:27

ido kiryamunos ka ekenyaŋan toar ekenyaŋan ŋol iŋes, nyimaryo ekenyaŋan ŋol erae ŋolo esecit,

Mat. 10:30

Nai tari ŋitim daadaŋ anakyes kus imaritae.

Ŋitic. 27:34

Aŋun, akadyekit nai ayoŋ iyes, kimuja adiokimuj; iitanito iyes iŋes aŋuna ka aryamunia agogoŋu ikwapei emamukar tari ipei alokidiŋ kus ŋini ewana.”

1 Sam. 14:45

Nai kiŋita ŋituŋa Saul temasi, “Etwani mono kire Yonasan ŋolo ayau aiuno na ŋina apolon neni a Ŋisirael a? Toriwo ŋun aneni keŋ! Ikikoŋi isua alokiro ke Ekapolon a ŋolo eyari atemar mam tari etimat epei ŋolo edotor anakou keŋ min kwap; anerae etiyat iŋes ŋun anakiŋarakinet a ŋina ka Akuj nakoloŋit na.” Aŋun, apotu ŋituŋa toiut Yonasan, ido abu nyetwana.

1 Sam. 20:42

Tema nai Yonasan neni a Daudi, “Ape ke ekisil, anerae adaun iwon akikoŋ neni a ŋinice alokiro a Ekapolon, ikitema ebe, ‘Ekapolon iŋes eruwor esuuda kaŋ ka iyoŋ ka esuuda a ŋipapae kaŋ ka ŋipapae kon ŋikaru ka ŋikaru.’ ” Tonyou nai Daudi torotok; toboŋo Yonasan lotaun.

1 Sam. 28:10

Kikoŋ Saul neni ka aberu a ŋin alokiro a Ekapolon tema, “Ekoŋi ayoŋ alokiro a Ekapolon a ŋolo eyari atemar, mam akisicanet ebuni neni kon aŋuna a ŋakiro a nu.”