2 Sam. 13:3 - Ebaibul

³ Apaki ŋin ayakar Aminon ekone keŋ ŋolo anyaritae Yonadab, lokoku a Simea a ŋolo arae lokaato a Daudi. Arae Yonadab ekile ŋolo aratana ka aos.

2 Sam. 13:3 Iomraidhean Croise

Akisy. 3:1

Arae emun etyaŋ ŋolo aratana ka aos nooi akilo ŋityaŋ daadaŋ ŋulu ka ariet ŋulu abu Ekapolon Akuj tosub. Tolimok emun aberu tema, “Erae mono kire atemar ikilimokinit iyes Akuj ebe, ‘Nyinyam arait a ekitoe a edio alomanikor’ a?”

Akisy. 38:1

Apaki ŋin, topakari Yuda aneni a ŋikaitotoi keŋ, towot totiyaar kwap a nen, toten neni ayai ekile ŋolo anakwap a ŋina ka Adulam ŋolo anyaritae Ira.

Akisy. 38:20

Ani iyakiyari Yuda lokone keŋ ŋolo arae Edulamait akiya ikale aŋuna ka akinyakunia ŋiboro keŋ aneni a Tamar, nyeryamu ekile ŋol Tamar.

2 Sam. 13:2

Toryeba Aminon nooi ŋakiro a nakaato keŋ Tamar kitedyakakis, anerae kerae Tamar apese ŋina pa kiryamakina ke ekile, ido asibit aneni ka Aminon mam epite ŋolo epedorya iŋes akiryamakin ka Tamar.

2 Sam. 13:32

Nai tema Yonadab lokoku a Simea lokaato a Daudi, “Nyitamak ekapolon atemar aari ŋidwe kon ŋulusapa daadaŋ, Aminon bon iŋes aari. Arae ŋun ŋakiro ŋuna acamit Abusalom akitiyakin akisyakin anakoloŋit a ŋina areikinia Aminon Tamar akiryamakin ka iŋes.

2 Sam. 13:4

Kiŋit Yonadab Aminon tema, “Kaanukiro okoe ikoku a erwosit isiliyoritor iyoŋ a ŋinataparacu? Nyo nyikilimokinia iyoŋ ayoŋ ŋakiro?” Tema Aminon neni a Yonadab, “Amina ayoŋ nooi Tamar nakaato alokaapa kaŋ Abusalom.”

2 Sam. 14:2

Aŋun, abu Yoab kiyakiya ituŋanan ice Tekoa ayaun aberu ŋina aoson a nen. Tema Yoab neni ka aberu a ŋin, “Kiredak, totakan esibit igworo ituŋanan ŋini atwana, tonap ŋilowi ŋulu kigworet, nyiosakin akimyet adio, nai kitoodiu ŋipitesyo daadaŋ ŋulu esibitor kigwor iyoŋ ŋirwa ŋulu alalak aŋuna a ituŋanan a ŋini etwanit.

2 Sam. 21:21

Ani itoŋoi ekile ŋol Ŋisirael, abu Yonasan lokoku a Simei ŋolo arae lokaato a Daudi toar ekile ŋol.

1 Ŋakiro a ŋirwa 2:13

Abu Yese touru Eliab iŋes lokoku keŋ ŋolokiyae, ŋolo a ŋiarei iŋes Abinadab ka ŋolo a ŋiuni iŋes Simea,

1 Ŋakiro a ŋirwa 27:32

Ayai lokoku amamae a Daudi ŋolo anyaritae Yonasan, arae iŋes ekeŋarakiniton, ido arae ekile ŋolo apiiryana, nabo arae ŋolo ayeni ŋakiro. Yekiel lokoku ka Acimoni iŋes ainakinitae akitiya aŋuna a ŋidwe ke erwosit a ŋulusapa.

Esta 5:10

Kikote neni daŋ, abu Aman totik etau, tolot kai keŋ. Kiyakiya ituŋanan anyarare ŋikonei keŋ ka Seres aberu keŋ.

Esta 5:14

Temasi nai Seres aberu ka Aman ka ŋikonei ka Aman daadaŋ, “Kitudukok ŋituŋa ŋipirin ŋiarei ŋulu edoli aoyau kec alokidiama ŋimitae ŋatomoniarei ka ŋiuni, kiriwokinae apeeta alokidiama. Ani moi taparacu tolimok erwosit kinenekinoe Moridekai napeeta a ŋipirin a ŋul; toloto nai iyoŋ ka erwosit nasuban elakara etau.” Tolakar Aman a ŋakiro a ŋun, kitudukok ŋituŋa ŋakito ŋun.

Esta 6:13

Ani elimokini Aman Seres aberu keŋ ka ŋikonei keŋ daadaŋ ŋakiro ŋuna apotu kitiyakin neni keŋ, temasi Seres ka ŋikonei ka Aman, “Aŋuna eraakar Moridekai ŋolo alema apolou aneni kon, ŋolo erae eletoinit a Ŋiyudayan, nyipedori nabo iyoŋ akiloun iŋes jik. Nai kire jik, iruwor iyoŋ ecaryoit alokiŋaren keŋ.”

Ŋakit. 19:6

Iitanito ŋituŋa ŋulu alalak aryamun ajokis aneni a ŋituŋa a ŋulu erae ŋikapolok, ido erae ŋinituŋanan ekone a ŋini einanakini ŋuluce ŋainakineta.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

Ŋikat. 14:20

Aponi nai inakinae aberu a Samuson neni alokone keŋ a ŋolo amina iŋes nooi.

1 Sam. 16:11

Kiŋit Samuel Yese tema, “Eyakasi ŋidwe kon ŋulusapa daadaŋ ne a?” Toboŋok Yese tema, “Ŋolo cici bon emam a ne, etwarit iŋes ŋamesekin,” Tema nai Samuel neni a Yese, “Kiyakiya ituŋanan yau iŋes, anerae nyikiboikin iwon akitodol ŋina ebunio iŋes ne.”

1 Sam. 16:9

Tolimok nai Yese Sama kitor diyete Samuel. Tema Samuel, “Meere tari lo aseu Ekapolon.”