2 Sam. 13:24 - Ebaibul

²⁴ Tolot iŋes neni a erwosit tema, “Apotu neni kaŋ ŋikatubok ŋajul a ŋamesekin, akanyarit ayoŋ iyoŋ erwosit ka ŋiketiyak kon orukosi ka ayoŋ eketiyan kon.”

2 Sam. 13:24 Iomraidhean Croise

Akisy. 38:12

Kelunyar apaki ŋina aoyan, abu nakoku, a Sua aberu a Yuda totwana. Ani ekaku ka akiyaloloŋ, tolot Yuda Timina neni a ŋikilyok a ŋulu atubete ŋajul a ŋamesekin keŋ, torukosi ka lokone keŋ Ira ŋolo arae Edulamait.

2 Sam. 13:23

Ekaku a ŋikaru a ŋiarei, apaki ŋina ayakatar ŋikatubok ŋajul a ŋamesekin ka Abusalom Baal-Asor, diyete etaun Epuraim, abu Abusalom tonyarau ŋidwe a erwosit daadaŋ ŋulusapa aponare Baal-Asor.

2 Sam. 13:25

Nai abu erwosit tema neni ka Abusalom, “Mam, lokoku, nyikilot iwon daadaŋ, acepaki ikisicanio isua iyoŋ koŋin.” Tari daŋ ŋina abunio Abusalom torubak imaimai iŋes, abu erwosit towou alosit, nai abu kiterereŋ Abusalom.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

1 Sam. 25:7

Adau ayoŋ akiirar atemar iyakasi iyoŋ ka ŋikatubok ŋajul a ŋamesekin Karimel. Apaki ŋina ayakatar ŋikeyokok kon ne ikirukit ka isua, nyisicana isua ikes ka mam ibore kec abu tooliyo apaki daadaŋ ŋina ayakatar ikes Karimel.