2 Sam. 13:21 - Ebaibul

²¹ Ani iirari erwosit ŋakiro ŋun daadaŋ, toŋo iŋes nooi, nai abu iŋes nyisican lokoku keŋ Aminon, anerae amina Daudi Aminon aŋuna araakar ikoku keŋ ŋini kiyae.

2 Sam. 13:21 Iomraidhean Croise

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

2 Sam. 12:10

Aŋun nai, nyimyekini ekileŋ akiar ŋituŋa a ekal kon, aŋuna ikijamuwarya iyoŋ ayoŋ, ido iya aberu a Uria ituruwo ŋina kon.

2 Sam. 12:5

Toŋo Daudi aŋuna a ekabaran a ŋol, tema neni a Nasan, “Kire jik, ekoŋi ayoŋ alokiro ke Ekapolon a ŋolo eyari atemar emaikina etuŋanan ŋolo etiya ŋakiro ŋun totwana!

2 Sam. 13:20

Kiŋit Abusalom lokaato keŋ iŋes tema, “Ikirat iyoŋ Aminon lokaapa kon a? Kililiŋ iyoŋ ikaato kaŋ, erae Aminon ikaapa kon. Kiurya nyikinomosi ŋakiro ŋun etau.” Abu nai Tamar kidoŋ nen, kiboi alokai ka Abusalom alokaato keŋ erae aberu ŋina pa acamit ayakau lotuŋa ŋuluce.

2 Sam. 13:22

Abu Abusalom nyelimok Aminon ŋakiro ŋadi, ŋuna ajokak, kori ŋuna aronok, anerae abu Abusalom kiman Aminon aŋuna abunio iŋes toreik Tamar nakaato keŋ akiryamakin ka iŋes.

Ŋikiru. 101:8

Amunyari ayoŋ a ŋinataparacu daadaŋ ŋulu aronok anakwap; amunyari ayoŋ alotaun ke Ekapolon daadaŋ ŋulu itiyaete aronis.

1 Sam. 2:29

Kaanukiro nai iteoto iyes Ikwanikinito ŋamuronisya ka ŋainakineta ŋuna abala ayoŋ tolemutu, ido itopoloorito iyes ŋidwe kus ŋulusapa akilo ayoŋ aŋuna itutumyata ŋawat kus anasere neni ejok anainakineta a ŋuna akainakinito ayoŋ ŋituŋa kaŋ Ŋisirael?’