2 Sam. 12:9 - Ebaibul

⁹ Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

2 Sam. 12:9 Iomraidhean Croise

2 Sam. 11:4

Aŋun, abu Daudi kiyakiya ŋituŋa aomere aberu ŋin, ido abu aberu ŋin bu neni a Daudi kiryamakinos ka iŋes. (Apaki ŋina eloŋar iŋes ŋin, etesega iŋes, anerae kerae akirikakin iŋes ayakau lolap ŋin.) Ani kedau iŋes akiryamakin ka Daudi, abu toboŋo kai keŋ.

2 Sam. 12:10

Aŋun nai, nyimyekini ekileŋ akiar ŋituŋa a ekal kon, aŋuna ikijamuwarya iyoŋ ayoŋ, ido iya aberu a Uria ituruwo ŋina kon.

2 Sam. 16:7

Tocelu Simei icenonor tema, “Tolot! Tolot kiŋa! Iyoŋ ekaaran! Iyoŋ ŋolo aronon!

1 Ŋirw. 15:5

Arae ŋun aŋuna abunio Daudi toruwor ŋolo eyookino alokiŋaren Ekapolon, ido nyimyekina iŋes akiwuap adio a ŋakiciketa ke Ekapolon ŋirwa daadaŋ ŋulu ka akiyar keŋ, mati ŋuna ka atwanare a Uria bon a ŋolo arae Eitait.

1 Ŋirw. 21:19

Tolimok iŋes ebe, ‘Ebala Ekapolon, idau ba iyoŋ akiar Nabos ka ituruwo emanikor keŋ ŋolo kon?’ Tolimok iŋes ebe, ‘Ebala Ekapolon, emeyete ŋiŋokwo ŋaokot kon anakibois a ŋina ameyoto ŋaokot a Nabos.’ ”

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Ŋikiru. 51:14

Okoe Akuj, akaiunan kaŋ nyikimyek ayoŋ oruwor ekaaran, okoe Akuj ŋina irae aiuno kaŋ, aeikini ayoŋ ŋuna ka akiyookino kon.

Ŋikiru. 51:16

Nyilakara iyoŋ aŋuna a ŋamuronisya, ani kerae tolakara, kayau ayoŋ ikes; nyilakara iyoŋ aŋuna a ŋainakineta a ŋuna epeyo.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋikiru. 90:8

Ileerete aneni kon ŋasecisya kosi, ite iyoŋ tari ŋasecisya kosi ŋuna ikitiyae isua anakimunono.

Ŋakit. 14:2

Ituŋanan ŋini elosi erae ŋini iyookino, itopoloorit Ekapolon, nai ituŋanan ŋini nyitiyae ŋuna a kire, ejamuwarit Ekapolon.

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Yer. 18:10

nai kitiyata ikes ŋuna aronok alokiŋaren kaŋ, nyiwuapa ŋakiro kaŋ, ŋun nai atamya nabo ayoŋ erae kacamit akitiya ŋuna ajokak ŋuna sek acamunit ayoŋ akitiyakin.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

1 Sam. 15:19

Kaanukiro nai pa ibunio iyoŋ kiwuap ŋakiro ke Ekapolon? Kaanukiro ibunio iyoŋ tomatakin aŋatun ŋiboro, ido ibu kitiya ŋuna aronok alokiŋaren Ekapolon?”

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”

1 Sam. 15:26

Nai tema Samuel neni a Saul, “Nyikiboŋori ayoŋ ka iyoŋ, anerae iŋer iyoŋ akirot ke Ekapolon, ido ikiŋer Ekapolon iyoŋ anaraakau erwosit a Isirael.”