2 Sam. 12:31 - Ebaibul

³¹ Toriku Daudi ŋituŋa a etaun a ŋol, inak ikes akitiya a ŋirigi, a ŋisururo ka a ŋaepe, kori ya ikes kitiyata ŋamatapali. Abu Daudi kitiya ŋakiro ŋun lotaunio a Ŋiamoni daadaŋ. Ani nai ekaku, apotu Daudi ka ŋasigarya keŋ daadaŋ toboŋosi Yerusalem.

2 Sam. 12:31 Iomraidhean Croise

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

1 Ŋakiro a ŋirwa 20:2

Tolacu Daudi ebokot ŋolo anapit Milikom. Arae apotis a ebokot a ŋol ŋakiloi a egolid ŋuna eapiyarito ŋatomoniuni ka ŋaomwon, ido esibusitae ebokot ŋol a amoru a ŋina epol egyelit. Abu Daudi kiwuak amoru ŋin lobokot keŋ a elope. Abu Daudi yau tari ŋiboro ŋulu alalak nooi ŋulu aŋatuni iŋes alotaun a ŋol.

1 Ŋakiro a ŋirwa 20:3

Toriku Daudi ŋituŋa a etaun a ŋol, inak ikes akitiya a ŋirigi, a ŋisururo ka a ŋaepe. Abu Daudi kitiya ŋakiro ŋun lotaunio a Ŋiamoni daadaŋ. Ani nai ekaku, apotu Daudi ka ŋasigarya keŋ daadaŋ toboŋosi Yerusalem.

Yer. 43:9

“Tolemu ŋamoru ŋuna aburok ŋaarei todak a ŋakan kon, ido tonukak ŋamoru ŋun nalup diyete neni elomarere kai ŋina a Parao ŋina ka apukan alo Tapanes. Kimyek Ŋiyudayan ikiŋolikis iyoŋ itiyae ŋun,

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Amos 1:3

Alimu Ekapolon ŋakiro nu ebe, “Aŋuna arubakiniata ŋituŋa a Damasko itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kisicana ŋituŋa a Gilead, kidica ikes lopite ŋolo eramere ŋimomwa.

Ŋibur. 11:37

Aponi tocakae a ŋamoru, totubutuboe, toarae a ŋatumio. Apotu ikes kirimo akwap enapito ŋilowi ŋulu a ŋakinei--arae ikes ŋikaŋican, ŋulu aponi kisicanae ka tobolyanakinae.

Yos. 10:15

Toboŋosi nai Yosua ka Ŋisirael daadaŋ nalomari kec Giligal.