2 Sam. 12:13 - Ebaibul

¹³ Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 12:13 Iomraidhean Croise

Akisy. 39:9

Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?”

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

2 Sam. 24:17

Ani iŋolikini Daudi emalaika ŋolo aari ŋituŋa, tema neni a emalaika, “Ayoŋ bon asecit ka ayoŋ bon adau akitiya aronis ŋina apolon nooi; nai ŋituŋa lu ŋulu ikote ŋamesekin, nyo itiyato ikes? Ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ.”

1 Ŋirw. 13:4

Ani iirari erwosit ŋakiro ŋuna etoroniyarito Namuroet ŋina a Besel, ŋuna erworo ekile ŋolo arae ituŋanan ŋini ka Akuj, tododa Yeroboam akan keŋ Namuroet tema, “Kikamutu ekile ŋol!” Nai abu akan keŋ ŋina adodarit iŋes lokile ŋol toiniya, nyepedo iŋes akinyakun akan keŋ nakuwan keŋ.

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 22:8

Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

2 Ŋirw. 1:9

Abu erwosit Aasia kiyakiya ekarikon a ŋasigarya erikit ŋasigarya ŋatomonikan. Tolot ekarikon a ŋasigarya, torukau Eliya iboi alomukura, tolimok tema, “Iyoŋ, ekile ŋolo irae ituŋanan ka Akuj, ebala erwosit Aasia iyoŋ todoku kwap.”

1 Ŋakiro a ŋirwa 21:8

Tema nai Daudi neni ka Akuj, “Adau ayoŋ akisec nooi aŋuna etiyaa ŋakiro ŋun. Nai tokona, ekelipi iyoŋ tolema akiilit ŋina ka asecit na aneni a eketiyan kon, anerae etiya ayoŋ nu anabaŋao a ŋina apolon nooi.”

2 Ŋakiro a ŋirwa 16:10

Aŋakiro a ŋun, abu Asa toŋoik Anani eketeyenikinan; toŋo Asa nooi, kiwuak eketeyenikinan ŋol mabus. Apaki ŋinapei, kisyak Asa aryenyaanikin ŋituŋa ŋice.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Ŋikiru. 103:12

Ebi elwana neni elwania Kide alo To, elwana nooi neni ewuatari iŋes ŋasecisya aneni yok.

Ŋikiru. 51:16

Nyilakara iyoŋ aŋuna a ŋamuronisya, ani kerae tolakara, kayau ayoŋ ikes; nyilakara iyoŋ aŋuna a ŋainakineta a ŋuna epeyo.

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋikiru. 51:6

Kire jik, icamit iyoŋ akiyookino ŋina eyai lotau a ituŋanan. Aŋun, kilelebik aosou kon natameta kaŋ.

Awos. 9:27

Tonyarau nai Parao Moses ka Aron, tema neni kec, “Adau ayoŋ apaki na akisec; iyookinit Ekapolon, ido ikidyakarit ayoŋ kaapei ka ŋituŋa kaŋ.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Isa. 38:17

Kire, arae aŋuna ka alakara kaŋ iŋes ayakar ayoŋ apodo ŋina apolon; nai ibu iyoŋ nyikimyek ayoŋ otwana oloma nakipany ŋina ka akinyasuno, anerae imana iyoŋ ŋasecisya kaŋ daadaŋ kau kon.

Isa. 43:24

Nyeyauna iyes neni kaŋ ŋakasirim ŋuna abobok kaapei ka ao, kori nyisimwonikina iyes ayoŋ a ŋasepwa a ŋamuronisya kus. Nai ikican iyes ayoŋ a ŋasecisya kus; ikituupa iyes ayoŋ a ŋaronisya kus.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Ŋilep. 24:17

Ani kear ituŋanan ituŋanan ŋinice, emaikina toarae iŋes daŋ.

Sakar 3:4

Tolimok emalaika ŋituŋa ŋulu awuasi alokiŋaren Yosua tema, “Tolacasi ŋilowi keŋ ŋul.” Tema nai neni a Yosua, “Kiŋolik, alema ayoŋ asecit kon, ido eketanapikini ayoŋ iyoŋ ŋilowi ŋulu a ŋasuban.”

Mat. 14:10

Abu kiyakiya ŋasigarya alosit atubun akou a Yoana ke Ekebatisan a ŋolo ayai apaki ŋin mabus.

Luk. 15:21

Tolimok edya ŋol papa keŋ tema, ‘Papa, asec ayoŋ alokiŋaren Akuj ka alokiŋaren kon; nyitemokino nabo ayoŋ okanyarae lokoku kon.’

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

1 Sam. 15:20

Tema Saul neni a Samuel, “Adau ayoŋ akiwuap ŋakiro ke Ekapolon, abu ayoŋ olot neni ekeyakit Ekapolon ayoŋ, ayau ayoŋ Agag erwosit a Ŋiamaleki, ido adau ayoŋ amunyar Ŋiamaleki.

1 Sam. 15:30

Toboŋok Saul tema, “Adau ayoŋ akisec, nai inakinae ayoŋ apolou tokona alokiŋaren ŋikasikou ŋulu a ŋituŋa kaŋ ka alokiŋaren Ŋisirael. Oboŋosi ka ayoŋ, ikotere ayoŋ elip neni ke Ekapolon Akuj kon.”