2 Sam. 11:8 - Ebaibul

⁸ Tema nai Daudi neni a Uria, “Ape, totiyaar kai kon kieŋu.” Toloma Uria alokai a erwosit, totupak ituŋanan ice iŋes, ŋini atiŋit ainakinet neni keŋ, aneni a erwosit.

2 Sam. 11:8 Iomraidhean Croise

Akisy. 18:4

Kimyek kare ca yaunae ŋakipi ŋadi kilotaryata iyes ŋakejen, ido kieŋut a lokitoe.

Akisy. 19:2

Tema, “Ekeŋitakinit iyes ŋikapolok kaŋ toriut akiper kai a eketiyan kus, kilotasi ŋakejen; kisyokakis nai moi taparacu eriŋa ataparacu.” Tolimokis ikes Lot temasi, “Mam, eperyo isua nenilapat alokidiŋ etaun.”

Akisy. 43:24

Ani kedau ekapolokiniton etic alokai a Yosepu ŋol ayaun ŋikilyok ŋul tooma akai a Yosepu, ainakin ŋakipi, akisilotar ikes ŋakejen ka kedau ainakin ŋisigirya kec ŋinya,

Akisy. 43:34

Ani ekorakinio ikes akimuj alomesa a Yosepu, alal ŋina akorakinitae Benjamin nooi adeparit etyae ŋina akorakinitae ŋituŋa ŋuluce arae ŋina etya ŋina a ŋituŋa a ŋikan. Apotu ikes kimuja ka tomata, tolakaros kaapei ka iŋes.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 55:21

Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Luk. 12:2

Emam ibore ŋini erapitae ŋini nyisileereunio ka ŋini imunonitae ŋini nyeyenunio.

Luk. 7:44

Tosodi toboboŋ Yesu neni ka aberu, tolimok Simoni tema, “Ite iyoŋ aberu na a? Abu ayoŋ olomu kai kon, ibu iyoŋ nyikiinak ayoŋ ŋakipi ŋuna kilotaret ŋakaakejen, nai etapapal iŋes ŋakaakejen a ŋakiyo keŋ ka aninaiya a ŋitim keŋ.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.