2 Sam. 11:26 - Ebaibul

²⁶ Ani iirari aberu a Uria atemar aari lokile keŋ, abu kigwor iwololoe aŋuna alokile keŋ.

2 Sam. 11:26 Iomraidhean Croise

Akisy. 27:41

Kiman Esau Yakob aŋuna ka arereŋu a ŋina abu Isaka inak Yakob, tema Esau alotau keŋ, “Aapuut ŋirwa ŋulu egworyo ayoŋ papa kaŋ; ekaku, aari ayoŋ Yakob lokaato kaŋ.”

Akisy. 50:10

Ani edolunete ikes nalos ŋina ka Atad, ŋina eyai diyete Yorodan, kigworo a nen nooi iyaloloŋete; kigwor Yosepu papa keŋ a nen ŋirwa ŋikanikaarei.

2 Sam. 11:25

Tema Daudi neni a ekiyakia a ŋol, “Ape tolimok Yoab ŋakiro nu ebe, ‘Nyikikadak iyoŋ aŋuna a ŋakiro a ŋun; erae ajie neni epedorere aarya ituŋanan. Torubak itiji ŋituŋa a etaun ka agogoŋu, toreu ikes ka kikama etaun kec.’ Tolimok Yoab ŋakiro ŋun ka kisimukek iŋes.”

2 Sam. 14:2

Aŋun, abu Yoab kiyakiya ituŋanan ice Tekoa ayaun aberu ŋina aoson a nen. Tema Yoab neni ka aberu a ŋin, “Kiredak, totakan esibit igworo ituŋanan ŋini atwana, tonap ŋilowi ŋulu kigworet, nyiosakin akimyet adio, nai kitoodiu ŋipitesyo daadaŋ ŋulu esibitor kigwor iyoŋ ŋirwa ŋulu alalak aŋuna a ituŋanan a ŋini etwanit.

2 Sam. 3:31

Tema nai Daudi neni a Yoab ka ŋituŋa daadaŋ ŋulu arukito ka Yoab, “Tocilicileta ŋilowi kus, tonapa ŋiguniyae, kigworo aŋuna ka Abiner.” Kiwuapak erwosit Daudi ŋituŋa edakito ibore ŋini eperikinitoe akuwan ka Abiner.

1 Ŋirw. 21:16

Ani iirari Aab atemar atwana Nabos bon, tonyou Aab tolot lomanikor ŋolo ke epiini ŋolo ke Eyesirelait a ŋolo anyaritae Nabos, kituruwo ŋolo keŋ.

Ŋikis. 34:8

Apotu Ŋisirael kigworo aŋuna a Moses anadipoe a Moab, ŋarwa ŋatomoniuni, ekaku a ŋirwa a ŋul, todaun nai akigworo aŋuna a Moses.

1 Sam. 31:13

Kidepasi nai ŋakoyo kec, tonukakis Yabes, kwap ekitoe ŋolo esibit ekwaakwaa, ido kiredakis akiron ŋirwa ŋikanikaarei.