2 Sam. 11:2 - Ebaibul

² Apeikoloŋit esoŋakini akoloŋ, tonyou Daudi alokitaada keŋ, tolot todoka kidiama akai keŋ neni alapat, ido ca elosi a nen irimit. Alokidiama a nen, kebu iŋes kiŋoliya kwap, kiŋolik aberu iloŋa. Ebus aberu ŋin nooi,

2 Sam. 11:2 Iomraidhean Croise

Akisy. 12:11

Ani eapikini iŋes alomar Ijipit, tolimok Aburam aberu keŋ Sarai tema, “Ayeni ayoŋ kire jik atemar irae iyoŋ aberu ŋina ebusan;

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

Akisy. 34:2

Ani iŋolikini Sekem lokoku ke Eipiit a ŋolo anyaritae Amor, a ŋolo epukat akwap ŋin Dina, kikamu iŋes kituruwo aberu keŋ.

Akisy. 39:6

Inak Potipar Yosepu akidar ŋiboro daadaŋ, nyemitakiŋes idio bore, mati akimuj keŋ bon. Ebus Yosepu alopite a ŋolo ayakar ka atakania akuwan keŋ.

Akisy. 6:2

kiŋolikis ŋidwe a Set ŋulusapa ŋidwe ŋulupesur ŋul ibusak, yaasi ŋuna daadaŋ apotu ikes toseut, kituruwosi ŋaberu kec.

2 Sam. 13:1

Ekaku ka apaki a ŋina auruwuana, abu Aminon lokoku a Daudi kibusik Tamar nakaapa keŋ. Arae Tamar apese ŋina ebus; ido arae iŋes nakaato ka Abusalom alokoku a Daudi.

2 Sam. 14:27

Abu Abusalom touru ŋisapa ŋiuni ka apese apei ŋina anyarita Tamar, arae Tamar apese ŋina ebusan.

2 Sam. 4:5

Apotu ŋidwe a Rimon a Ebeerosait ŋulusapa Rekab ka Baana toloto lore a Isiboses. Ani eapiyari kidiŋ apaaran, todolut ikes kai a Isiboses, apaki ŋina kieŋunitor Isiboses ikwapei sek kieŋununuya.

2 Sam. 4:7

Kelomarete ŋituŋa ŋul kai apaki ŋina aperyo Isiboses a nagule keŋ alokitaada. Ani kedaut ikes akiar Isiboses, kepotu totubosi akou keŋ, yaasi, toloto akuwar kya emeto erot ŋolo itorit Araba.

Yob 31:1

“Adau ayoŋ akikoŋ atemar nyeŋolikini idiobore okonira, alipite nai apedorya ayoŋ akiŋolikin apese ŋina nyiryamakina ke ekile?

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Ŋakit. 19:15

Eauni akalanyo neni a ituŋanan ŋajo ŋuna apotyok, epedori akoro aŋedar ituŋanan ŋini nyitiyae.

Ŋakit. 31:30

Epedori ajokis a ituŋanan amodiyar ka erae akibuses a ituŋanan akoŋinait, nai aberu ŋina itopoloorit Ekapolon, emaikina kipuroe itojokitae nooi.

Ŋakit. 6:25

Nyicamu etau kon etemari ibus akaloman ŋin, nyicamu akibuses a ŋakiir keŋ ikisupari iyoŋ.

Ŋakit. 7:8

Alosi iŋes alorot a ŋolo a etaun, alokoona a ŋolo ayai diyete akai ŋina eboiyo aberu ace, alosi iŋes lowae ŋolo ayai akai a aberu a ŋin,

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”

Mat. 10:27

Ŋakiro ŋuna akalimokini ayoŋ iyes anakiryonut, tolimosi anakica, nabo ŋuna iirasi iyes iŋaiŋaunitae, kikeutu alokiŋa.

Mat. 24:17

ŋini edokit akai, nyedoku kwap alemun ibore alokai keŋ;

Mat. 5:28

Nai akalimokini ayoŋ iyes atemar, ituŋanan daadaŋ ŋini iŋolikini aberu a ŋinice kiŋobel, aruwor iŋes ekaloman alotau keŋ.

Ŋitic. 10:9

Akoloŋit ŋina atupakini eriŋa ikes eya lorot toapiyarete Yoppa, tolot Petero akilip nagule ŋina alokidiama. Aapikinit ŋisaae ŋikanikapei ŋulu ka apaaran.

Ŋikis. 22:8

Ani idukokini iyoŋ akai ŋina kitete kiwuak arwatata kidiama kirimok akai kiryam, ikotere ani kimasun ituŋanan alokidiama kigagau, nyiyakaunor iyoŋ ekaile aŋuna atwania ituŋanan alokai kon erae kimasun ituŋana alokai kon.

Ŋikis. 5:21

“Kori nyiŋobel ŋinituŋanan aberu a ekidunyet keŋ. “Kori nyiburak akai a ikidunyet keŋ, kori nyiŋobel akai a ikidunyet keŋ, kori emanikor keŋ, kori epito keŋ, kori apito keŋ, kori emoŋ keŋ, kori esigirya keŋ, kori ibore ca daadaŋ ŋini erae ŋini a ikidunyet keŋ.”

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

1 Yoa. 2:16

Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.

1 Sam. 9:25

Ani etiyaun ikes anakibois a ŋinamukur, epote lotaun, aponi kitemokinoe neni eperi Saul nenilapat alokidiama, kinapakin iŋes nen tojotoor.