2 Sam. 11:1 - Ebaibul

¹ Ani ekaru ŋol iceere, apaki ŋina aminatar ŋirwosi aŋaanar ŋajorei, kiyakiya Daudi Yoab ka ŋikapolok ŋulu ewuapito Yoab anapolou ta Ŋisirael daadaŋ. Toloto ikes toara Ŋiamoni kikamasi Raba. Nai edoŋit Daudi apaki ŋin Yerusalem.

2 Sam. 11:1 Iomraidhean Croise

2 Sam. 10:14

Ani iŋolikinete Ŋiamoni atemar abwaŋasi Ŋiarameani, tobwaŋas ikes daŋ alokiŋaren Abisai, tolomasi lotaun. Tojoŋo nai Yoab akisiirya Ŋiamoni, toboŋo tolot Yerusalem.

1 Ŋirw. 20:22

Ekaku, bu ekadwaran neni a erwosit a Isirael tema, “Ape, tocunak ŋasigarya kon, toyenu ejok ŋuna emaikina iyoŋ kitiya, anerae ani moi iceere ebuni nabo erwosit ka Aram akirem iyoŋ.”

1 Ŋirw. 20:26

Ani iceere, tonyout Ben-Adad ka Ŋiramean, toloto Apek akitijiore Ŋisirael.

1 Ŋakiro a ŋirwa 20:1

Ani ekaru ŋol iceere, apaki ŋina aminatar ŋirwosi aŋaanar ŋajorei, abu Yoab toriko ŋasigarya akirem akwap a Ŋiamoni. Apotu ikes toloto kikamasi Raba. Nai edoŋit Daudi apaki ŋin Yerusalem, Yoab bon abu kisiiryak Ŋiamoni alo Raba kikama.

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

Ŋikiru. 60:9

Ŋae akayai ayoŋ lotaun ŋolo eya ŋaduketa ŋunajiet? Ŋae akarikori ayoŋ Edom?

Ekal. 3:8

eyai apaki ŋinaminakinet ka eyai apaki ŋinaremokinet; eyai apaki ŋina a ejie ka eyai apaki ŋina a ekisil.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Yer. 49:3

Okoe ŋituŋa a Esibon, kiwololoto, anerae aruwor Ai ereŋorot! Okoe ŋituŋa a Raba, kigworo icelasi! Tonapa ŋiguniyae, kiwololoto, kibuŋata ŋawat kus a ŋadase, anerae eyaaryo akuj kus Milikom nakwap ace kaapei ka ŋisacaradotin ka ŋiketiyak keŋ.

Esek. 21:20

Kigir lorot epei epite ŋolo eponiata ŋikaarak lotaun ŋolo a Ŋiamoni ŋolo enyaritae Raba ka kigir lorot ŋoloce epite ŋolo eponiata ŋikaarak nakwap a Yudaya ka lotaun Yerusalem ŋolo awuatae ka arwatata.

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Sakar 14:3

Ebuni nai Ekapolon alosit akitijiore ŋakwapin ŋun, lopite ŋolo sek abunio iŋes akitijio ŋimoe keŋ.

Ŋikis. 3:11

(Erwosit Og bon edoŋit eyari aneni a Ŋirepaim. Ŋuna ileerete ikes nu, tari tokona eyai ekitaada keŋ ŋolo etiyaunitae a ŋasuwa Raba lotaun ŋolo a Ŋiamoni. Erae aoyau ke ekitaada keŋ ŋimitae ŋiomwon ka erae alalau keŋ ŋimitae ŋiarei.)

1 Sam. 18:30

Torubakis ŋikarikok a ŋajorei a Ŋipilistin eŋaanarete ŋajorei; ŋapakio daadaŋ ŋuna aŋaununuyata ikes ŋajorei, eloununui Daudi ikes akilo neni eloununuyata ŋikarikok ŋajorei a Saul, aŋun, apotu ŋituŋa kituruut ekiro a Daudi.