2 Sam. 10:6 - Ebaibul

⁶ Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 10:6 Iomraidhean Croise

Akisy. 34:30

Tema nai Yakob neni a Simeon ka Lepi, “Iyaut iyes neni kaŋ ŋatyokisyo; aŋuna ikitidiŋakineta iyes ayoŋ ka Ŋikanaani ta Ŋiperisi, ŋituŋa ŋulu ka akwap a na. Ekudyoko ŋituŋa kaŋ, ido kecunakin ŋituŋa ŋul ekesiiryata ayoŋ, akamunaaryo ayoŋ kaapei ka ekal kaŋ daadaŋ.”

2 Sam. 10:5

Ani elimokinio Daudi ŋakiro ŋun, kiyakiya ŋituŋa akisiryam ŋikilyok ŋul, anerae apotu ŋileec kiruma ikes nooi. Tema erwosit neni kec, “Kiboiyoto mono alo Yeriko, akitodol ŋina elomuniata ŋipeneka kus, ido nai toboŋut laalo.”

2 Sam. 10:7

Ani iirari Daudi ŋakiro ŋun, kiyakiya Yoab ka ŋasigarya daadaŋ ta ŋikilyok ŋulu apedorito ajiore.

2 Sam. 16:21

Toboŋok Aisopel tema, “Ape kituruwo ŋaberu a papa kon ŋuna nyiitit ŋuna kon. Nakiro ŋun nai eanyuniata Ŋisirael daadaŋ atemar kimanakinosi iyoŋ ka papa kon, ido isimukekinosi ŋulu iriito ka iyoŋ daadaŋ.”

2 Sam. 23:34

Elipelet lokoku a Aasibai a ŋolo alo Maaka; Eliam lokoku a Aisopel a ŋolo a Gilon;

2 Sam. 8:12

Kirirauni sek Daudi esilipa ŋol ka egolid ŋol anakwapin a nu: Alo Edom, alo Moab, aneni a Ŋiamoni, aneni a Ŋipilistin, aneni a Ŋiamaleki ka aloboro a ŋulu aŋatuni iŋes aneni ka Adadeser alokoku a Reob a ŋolo arae erwosit a Soba.

2 Sam. 8:3

Abu daŋ Daudi toar erwosit ŋolo anyaritae Adadeser, lokoku a Reob a ŋolo a Soba. Etiyae iŋes ŋun apaki ŋina alosyo Adadeser akikamar akwap ŋina ayai diyete aŋolol ŋina enyaritae Eupurate.

2 Sam. 8:5

Ani epote Ŋiarameani, ŋituŋa ŋulu alo Damasko akiŋarakin erwosit Adadeser ŋolo alo Soba, toar Daudi Ŋiarameani ŋalipyo ŋatomoniarei ka ŋiarei.

1 Ŋirw. 11:24

Abu ŋol tocunak ŋulu ewuapito iŋes, kituruwor iŋes bon ekarikon a ajore aŋulu aŋerite apukan a Soba apaki ŋina aarya Daudi ŋituŋa kec. Toloto ikes Damasko kiboiyoto a nen, toruwor Reson erwosit a Damasko.

2 Ŋirw. 7:6

Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

Ŋikiru. 48:4

Apaki ŋina acunakinotor ŋirwosi, kimorikis ŋajiorei kec, aŋuna ka akitijikin ŋituŋa a Sion,

Awos. 5:21

Temasi ikes neni ata Moses, “Ikimaimai isua Ekapolon pena ŋakiro nu nakyes kus ka ikitubok iŋes iyes! Ikisiman iyes isua Parao ka ŋiketiyak keŋ ka ikitaar iyes ikes isua.”

Ŋakit. 25:8

Nyikirikirak alimor aloikiiko ŋakiro ŋuna ibu iyoŋ kiŋolik, anerae anukiro itiyakini iyoŋ erae kirwor ikidunyet kon ikisalu iyoŋ?

Yer. 40:8

apotu ŋikarikok a ŋajoresyo ŋul toloto neni a Gedalia a ŋolo ayai Misipa. Ŋikarikok ŋul ikes Isimael lokoku a Nesania, Yoanan lokoku a Karea, Seraia lokoku a Tanumes, ŋidwe a Eipai a ŋolo arae Enetopasit ŋulusapa, Yaasania lokoku a Emaakesait, apotu ikes toloto kaapei ka ŋajorei kec.

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Ŋikis. 3:14

Abu Yair lopapait a Manase toryamu akwap ŋina ka Arigob daadaŋ tari lokukorin a Ŋigesuri ka Ŋimaakasi, tonyara Yair akwap ŋin a ekiro keŋ, aŋun, tari tokona enyaritae Basan Apos-Yair.)

Ŋikat. 11:3

Abu nai Yepesa toem aneni a ŋikaitotoi keŋ, tolot akiboi nakwap ŋina anyaritae Tob. Tocunaros ŋikesyaak neni a Yepesa, ido aloseneneete aremerem ŋituŋa ŋuluce kaapei ka iŋes.

Ŋikat. 11:5

Apaki ŋina etijikinioto Ŋiamoni Ŋisirael, apotu ŋikasikou a Gilead toloto ayaun Yepesa anakwap a Tob.

Ŋikat. 18:28

Amam ituŋanan apedori alakun ikes, anerae alwanikina ikes alo Sidon ka amam ŋakiro amorete ikes ka ŋituŋa ŋuluce. Etiyakin ŋun anakadipaalat a ŋina arae ŋina ka Bes-Reob. Apotu ŋituŋa a ekabila a Dan toduko nabo etaun Lais, kiboiyoto a nen.

1 Sam. 13:4

Ani iirarete Ŋisirael daadaŋ, atemar elou Saul ajore a Ŋipilistin ka eman tokona Ŋipilistin Ŋisirael, aponi tonyaraunae Ŋisirael daadaŋ akimorikin ka Saul alo Giligal.

1 Sam. 27:12

Ekinyomit Akis Daudi nooi aŋuna atamya ebe, “Nyeriŋa ŋituŋa a Daudi, Ŋisirael eminasi Daudi; aŋun, erubakini iŋes erae eketiyan kaŋ.”