2 Sam. 10:16 - Ebaibul

¹⁶ Kiyakiya Adadeser ŋituŋa ayaun Ŋiarameani ŋulu eboiyete alokekwaye aŋolol ŋina enyaritae Eupurate. Potu Ŋiarameani ŋul neni enyaritae Elam, topolok ikes Sobak ŋolo arae ekarikon a ŋasigarya ka Adadeser.

2 Sam. 10:16 Iomraidhean Croise

2 Sam. 10:15

Nai ani eanyunete Ŋiarameani atemar elout Ŋisirael ikes, apotu tocunakinos iwapei.

2 Sam. 10:17

Ani elimokinio Daudi ŋakiro ŋun, tocunak Ŋisirael daadaŋ, todokasi Kide Yorodan toloto Elam. Kicodosi Ŋiarameani akisiryam Daudi, kitijikis iŋes.

1 Ŋirw. 11:23

Kiwuak Akuj ŋiman lotau a emoit a Solomon a ece a ŋolo abu toremokinos ka iŋes, arae ŋol Reson, lokoku ke Eliada, ŋolo kebu tosi aneni a ekapolon keŋ a erwosit a ŋolo alo Soba aŋolo anyaritae Adadeser.

1 Ŋakiro a ŋirwa 18:3

Abu daŋ Daudi kitijik erwosit ŋolo anyaritae Adadeser ŋolo a Soba, todoiyo ejie tari Amas, apaki ŋina alosyo Adadeser akikamar ŋakiboisyo ŋuna ayakasi diyete aŋolol ŋina enyaritae Eupurate.

1 Ŋakiro a ŋirwa 18:5

Ani epote Ŋiarameani, ŋituŋa ŋulu alo Damasko akiŋarakin erwosit Adadeser ŋolo alo Soba, toar Daudi Ŋiarameani ŋalipyo ŋatomoniarei ka ŋiarei.

1 Ŋakiro a ŋirwa 19:16

Nai ani eanyunete Ŋirameani atemar elout Ŋisirael ikes, apotu kiyakiyasi ŋituŋa anyarare Ŋiarameani ŋulu eboiyete Alokekwaye Aŋolol ŋina enyaritae Eupurate. Potu ŋul epolokinit Sobac ŋolo arae ekarikon a ŋasigarya ka Adadeser.