2 Sam. 1:23 - Ebaibul

²³ Arae Saul ka Yonasan anakiyar kec ŋituŋa ŋulu aminae ka ŋulu ajokak; apotu ikes nyetyakas anakiyar kec ka anatwanare kec; apiraka ikes nooi akilo tari ŋigolei. Agogoŋ ikes nooi akilo tari ŋiŋatunyo.

2 Sam. 1:23 Iomraidhean Croise

2 Sam. 1:24

Okoe! ŋaberu ŋuna alo Isirael, kigworo aŋuna a Saul, a ŋolo abu ikitanap iyes ŋilowi ŋulu kipura-areŋak ŋapakio ŋuna ka alakar, a ŋolo abu kisibus ŋilowi kus a egolid.

2 Sam. 2:18

Ayakasi lojie ŋol ŋidwe a Seruia ŋulusapa lu: Yoab ka Abisai ta Asael. Apirana Asael nooi ekwaan epirana ka agete.

2 Sam. 23:20

Arae Benaia lokoku a Yeoiada ekajion ŋolo adedeŋan ŋolo abunit alo Kabiseel. Etiyae iŋes ŋakiro ŋuna ka aumokin. Abu iŋes toar ŋidwe ka Ariel ŋulusapa ŋiarei ŋulu arae ŋarwonita a Moab. Abu daŋ iŋes akoloŋit apei ŋina alalaata ŋakako, toloma nadui, toar eŋatuny.

1 Ŋakiro a ŋirwa 12:8

Apotu Ŋigadi ŋice toloto neni a Daudi apaki ŋina ayakar naloŋisat neni eboiyo iŋes anaturukan. Arae ikes ŋikajiok ŋulu atitinyok, ŋulu etemokino ajiore, ido apedorito akitiŋ ŋaupala ka ŋakwaaras. Atakanete ikes aloreetin esibit ŋiŋatunyo, ido apiraka ekote ŋagetei ŋuna eya lokamukumukui.

Yob 9:26

Elunyanarosi ŋirwa a akiyar kaŋ atipei lopite ŋolo eironorotor ŋitubae ananam, eironor lopite ŋolo iuwaunor egole neni a ibore a ŋini ecamit akinyam.

Ŋakit. 30:30

Eŋatuny ŋolo erae iŋes egogoŋ alotyaŋ a ŋulu ka ariet a daadaŋ, ido nyekerit eŋatuny etyaŋ edio;

Eete a Ŋie. 5:16

Ebobok nooi ŋakiro ŋuna irworo iŋes, ikisupari iŋes alopitesyo keŋ a daadaŋ. Okoe ŋapesur a Yerusalem, epite ŋolo eyakar ŋolominat kaŋ ka lokone kaŋ iŋes ŋol.

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Aum. 4:19

Apiraka nooi ŋituŋa ŋulu ikirisito isua, apiraka nooi akilo tari ŋigolei ŋulu iuwaunun alokidiama. Apotu ikes ikiritut isua alokidiama ŋikamukumukui. Apotu ikidapa isua analoŋisat.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

Ŋikat. 14:18

Tolimokis ŋikilyok ŋulu a etaun Samuson epete ŋirwa ŋikanikaarei eriŋa akoloŋ nyedoiyoro temasi, “Anibore ebob akilo akimyet ŋina ka ao? Anibore egogoŋ akilo eŋatuny?” Tema Samuson neni kec, “Kerae nyisitiyato iyes ŋina erae ŋina kaŋ akitaa, pa kitedorito iyes ŋakiro kaŋ.”

1 Sam. 18:1

Ani edauni Daudi erwor ka Saul, kisupa Yonasan Daudi, tominak lopite ŋolo amininia iŋes bon.

1 Sam. 20:2

Tema Yonasan, “Nyiryamasi ka ŋuna! Nyitwani iyoŋ, mam ibore itiyakini papa kaŋ kepol, kori kedit pa akalimokinit ayoŋ. Kaanukiro nai imunonia iŋes ŋakiro ŋun aneni kaŋ? Nyepedor ŋun!”