2 Sam. 1:10 - Ebaibul

¹⁰ Aŋun, abu ayoŋ olot neni keŋ, ido oar iŋes, anerae ayeni ayoŋ atemar nyepedori iŋes akiyar kisyakinit akirakanar. Abu ayoŋ olemu ebokot ŋolo anapit iŋes anakou ka apokot ŋina anapit iŋes anakan, ayau ayoŋ ŋiboro ŋul ne neni kon ekapolon kaŋ.”

2 Sam. 1:10 Iomraidhean Croise

2 Sam. 1:16

Tema Daudi neni a ekile a ŋolo ecumyo a ŋol, “Ikicenete iyoŋ ŋaokot kon ke elope, anerae iyoŋ elope ibu tolimor bon tema, ‘Abu ayoŋ oar ekapolon ŋolo arae Ekapolon abu toseu.’ ”

2 Sam. 1:9

Tema iŋes neni kaŋ, ‘Bua neni kaŋ, ido ikiar ayoŋ; anerae erakanar ayoŋ, nai awou akiridakin.’

2 Sam. 12:30

Tolacu Daudi ebokot ŋolo anapit Milikom anakou. Arae apotis a ebokot a ŋol ŋakiloi a egolid ŋuna aapiyarito 34, ido ewuakinitae tooma keŋ amoru ŋina epol egyelit. Abu Daudi kiwuak amoru ŋin lobokot keŋ a elope. Abu Daudi yau tari ŋiboro ŋulu alalak nooi, ŋulu aŋatuni iŋes alotaun a ŋol.

2 Ŋirw. 11:12

Yau nai Yeoida esacaradoti, lokoku a erwosit kiŋa, kitanap ebokot, inak ŋakiro ŋuna ka acamunet aruwor erwosit, temasi ŋituŋa, “ Erae iŋes erwosit, ” Kedaut alimun kiosae Yoas a akimyet. Toramakis ŋituŋa ŋakan kec, tocelut temasi, “Ikigasi isua torubak erwosit eyari!”

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Ŋikat. 1:7

Kirworik ekapolon a Besek tema, “Ayakar koloŋ ayoŋ ŋirwosi ŋatomonikanikaarei ŋulu atubonorosi ŋimoyo a ŋakan kec ŋulu apolok ka ŋimoyo a ŋakejen kec ŋulu apolok, ido edepete ŋirwosi ŋul ŋarare alokwap emesa kaŋ. Etiya Akuj neni kaŋ ŋuna abu ayoŋ etiya neni a ŋuluce.” Aponi nai yaarae ekapolon a Besek Yerusalem, ido totwan a nen.

Ŋikat. 9:54

Atipei tonyara Abimelek esorokit ŋolo sek aryoŋit ŋiboro keŋ ŋulujiet, tolimok iŋes tema, “Tolemu ekileŋ kon ikiarya ayoŋ, ikotere nyetemasi ŋituŋa aŋuna kaŋ ebe, ‘Aberu aari iŋes.’ ” Aŋun, abu esorokit ŋol kicum iŋes a ekileŋ toar.

1 Sam. 22:18

Tosodi nai erwosit tema neni a Doeg, “Doeg, ape toar ŋisacaradotin.” Abu nai Doeg ŋolo arae Edomait tolot toar ŋisacaradotin. Toar Doeg akoloŋit ŋin ŋisacaradotin ŋatomonikanikauni ka ŋikan ŋulu anapito ŋarapeta ŋuna amilimilak.