2 Pet. 3:10 - Ebaibul

¹⁰ Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.

2 Pet. 3:10 Iomraidhean Croise

Akis. 21:1

Abu nai oanyuwa nakuj ŋina kitete ka akwap ŋina kitete. Apotu nakuj ŋina esyaunan ka akwap ŋina esyaunan toŋopiasi; toŋopia anam daŋ.

Mat. 24:35

Edaunosi nakuj ka akwap, nai nyedaunosi ŋakaakiro jik.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Akis. 16:15

“Ebala Ekapolon, topupokisi! Abuni ayoŋ ikwa ebunio ekokolan! Erereŋ ituŋanan ŋini etenit apaki daadaŋ, ŋini eyakar ŋilowi keŋ diyete, ikotere nyelot iŋes lotuŋa emam ŋilowi kiruma ŋileec!”

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

1 Ŋites. 5:2

Anerae iyenete iyes ŋilopeyek ejok nooi atemar ebuni Akoloŋit ŋina ke Ekapolon ikoni neni ebunio ekokolan nakwaare.

Mar. 13:31

Edaunosi nakuj ka akwap, nai nyedaunosi ŋakaakiro jik.”

2 Pet. 3:12

Ani eriŋa idarito Akoloŋit ŋina ka Akuj, kitiyata ŋun ka agogoŋu, ikotere edoluni Akoloŋit ŋin atipei. Akoloŋit ŋin, enomiyari akim nakuj ka inyasun ka etalarete ŋiboorei ŋulu anakuj aŋuna ka amwanis.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Akis. 3:3

Totamu nai ŋuna aponi ikitatami ka ikisiirar iyoŋ, kiricak ikes ka toki! Ani pa kikienyu iyoŋ, abuni ayoŋ neni kon ikwa ekokolan ka nyiyeni iyoŋ apaki ŋina abunio ayoŋ.

Luk. 12:39

Toyenete nabo atemar kerae toyeni elope ere esaa ŋolo edolunio ekokolan, kekienyit iŋes, ikotere nyebwaŋi akai keŋ.

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Amos 9:5

“Ekapolon Akuj ŋina a ŋajoresyo, ŋina ani ketap akwap, emaranikini akwap, ikalounete ŋituŋa daadaŋ ŋulu iboiyete anakwap, iyatanakini ka itiditeununui ebari lopite ŋolo a ŋakipi a Nile.

1 Ŋikor. 5:5

Itemokino iyes nai apaki ŋin kipotokis ituŋanan ŋin neni a Satan, ikotere kinyasunae akuwan keŋ, ido toiunae etau keŋ Akoloŋit ŋina ke Ekapolon.

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Isa. 24:19

Enyasun akwap nooi atyakatyakasi ŋalup, amaran akwap nooi.

Ŋikiru. 97:5

Etalarete ŋimoru alokiŋaren Ekapolon, etalarete ikes ikwa amanok alokiŋaren Ekapolon ŋolo ka akwap a daadaŋ.

Amos 9:13

“Ebala Ekapolon, ‘Ebunit apaki ŋina erukaununotor akitare ka akilem, ekoni epiini eriŋa ecuyo ŋolo paaran alemunio, eituni epiini alomoru, eleleiyari epiini alokamukumukui.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Ŋirom. 8:20

Anerae aponi ŋisubuna daadaŋ totubokinae aruwor ŋikoŋinae, meere aŋuna ka acamit kec, nai aŋuna acamitor Akuj kitiyakin ŋun. Torae bo ayai akigeno na,

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Yoel 3:14

Kelalata, kelalata, ŋituŋa ŋulu eya nakadipaalat ŋina etubere ŋakiro! Aapuu adolun Akoloŋit ŋina etubio Ekapolon ŋakiro a nakadipaalat a ŋina etubere ŋakiro.

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.

2 Ŋikor. 1:14

ikiyenunete iyes isua ejok lopite ŋolopei ikiyenuniata tokona iwadio, ikotere kiturokinos aŋuna kosi lopite ŋolopei iturokinere isua daŋ aŋuna kus Akoloŋit ŋina ke Ekapolon Yesu.

1 Ŋikor. 1:8

Erubakini iŋes ikitogogoŋit iyes ananupit kus tari nasalunet, ikotere itoryamun iyes emam ŋuna ikisitakinere Akoloŋit ŋina ke Ekapolon yok Yesu Kristo.

1 Ŋites. 5:4

Nai ŋikaitotoi, nyiyakasi iyes nakiryonut, aŋun nyikiŋesari iyes Akoloŋit ŋin ikwa ekokolan.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

Akis. 6:14

Toŋopya adis kikok akaratas ŋina ebilakinio ka aponi kisiyotoroe ŋimoru ka ŋiculata ŋulu ka anam aneni sek eyakasi.