2 Pet. 2:9 - Ebaibul

⁹ Etakani nai atemar eyeni Ekapolon epite ŋolo iunet ŋulu eyarete, epite ŋolo ecamit Akuj anakikatanakineta kec ka eyeni epite ŋolo esikinet ŋikasecak akitodol Akoloŋit ŋina ka atubokino; kisicanae.

2 Pet. 2:9 Iomraidhean Croise

Yob 21:30

atemar imyenakinio ŋikaronok tari akoloŋit ŋina eponiata ŋican ka elakununuyo ŋikaronok akoloŋit ŋina ka anyunyura a?

Yob 5:19

Ikilakuni Akuj anatyokisyo a ŋakanikapei; ani edoli ŋina a ŋakanikaarei emam awana iryamuni.

Ŋikiru. 12:1

Okoe Ekapolon, kiŋarakinae ayoŋ, anerae mam nabo ituŋanan eriŋa ikikinyomit iyoŋ; adaunosi alotuŋa ŋulu ikikinyomito iyoŋ.

Ŋikiru. 32:6

Aŋun, emaikina ituŋanan daadaŋ ŋini enupit neni kon kilip neni kon; anapakio a ŋuna a ŋican a ŋulu alalak nyeryamunete ikes ŋican ŋul.

Ŋikiru. 37:33

Nai nyimyekini Ekapolon ŋulu iyookino anapedor a ŋulu aronok, kori nyimyekini ikes isicanio apaki ŋina eyaunere loikiiko.

Ŋikiru. 4:3

Toyenutu atemar adau Ekapolon asetar nawae ŋulu ikinyomito iŋes aŋuna ka aruwor ŋulu keŋ; iirari Ekapolon ŋakiro kaŋ apaki ŋina anyaraa ayoŋ iŋes.

Ŋakit. 12:13

Isupanarete ŋakiro ŋuna aronok ŋituŋa ŋulu aronok, nai eiunun alocan ŋituŋa ŋulu iyookino.

Ŋakit. 16:4

Itiyaunit Ekapolon ibore daadaŋ aŋuna ka akisitiya aŋuna keŋ, itiyaunit Ekapolon tari ŋulu aronok aŋuna ka akoloŋit a ŋina a ŋican.

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

1 Ŋikor. 10:13

Emam akitemyet ŋina iryamut iyes ŋina nyitemitere ŋituŋa ŋuluce. Nai erae Akuj ŋina itiyae ŋuna adau akiikin, ka nyikicamakini iŋes iyes ikitemio tari adepar agogoŋu kus. Apaki ŋina ikitemere iyes, ikiinakini Akuj iyes erot ŋolo ibucarotor, ido topedosi atitinyikin.

2 Tim. 3:12

Kire, ŋulu daadaŋ ecamito akiboi anakiyar a ŋina ecamit Akuj anakimorikina ka Yesu Kristo, eryamunete ŋakisicaneta.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.

Akis. 3:10

Aŋuna iricakinia iyoŋ akirot kaŋ ŋina ikicikak iyoŋ atitinyu ŋina nyikirikira, ekeuryari ayoŋ iyoŋ apaki ŋina ka akikatakino ŋina ebunit nakwapin daadaŋ akikatakin ŋulu iboiyete anakwap.

1 Sam. 29:10

Aŋun nai, tonyou moi taparacu eriŋa ekaikai, tonyoutu kaapei ka ŋiketiyak a ekapolon kon ŋulu irukunioto iyoŋ. Toloto nakibois ŋina akainak ayoŋ iyoŋ. Nai nyinup ŋakiro ŋuna aronok ŋuna ikilimokinete ŋituŋa, anerae itiya iyoŋ ŋakiro ŋuna ajokak neni kaŋ. Kisyakisi arotokin taparacu sek ŋisaae ŋulu ipiripiriunia akoloŋ.”