2 Pet. 2:6 - Ebaibul

⁶ Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

2 Pet. 2:6 Iomraidhean Croise

Akisy. 19:28

kirereiyo a nen kwap lowae ŋolo a Sodoma ka Gomora ka lowae ŋolo a ŋadipoe a ŋimukura, kiŋolik apuru a akwap a ŋin eremit kidiama ikwa ŋina ka arira a ŋina ti apolon.

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 13:19

Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Yer. 50:40

Alimu Ekapolon atemar, lopite ŋolo ekamarya Ekapolon Sodoma ka Gomora ka ŋikidunyet kec, ikwaŋinapei, mam ituŋanan eyakaun Babilon ka mam ituŋanan ebuni akiboi a nen.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Ekim. 16:38

anerae aruworosi ŋisipiryae a ŋikasecak a ŋul ŋulu asegak aŋuna atwakyata ikes. Tolemu ŋisipiryae ŋul, kityeku ŋababati ŋunadapal ŋuna erapanakinio namuroet, anerae ainakinito ikes neni ke Ekapolon, ido aruworosi ŋuna esegak. Aŋun eruworosi akitoodikinet aneni a Ŋisirael.”

Ekim. 26:10

Apotu ikes kiyuuwaar tooma nalup, tolomasi ikes daadaŋ nalup kaapei ka Kora ŋolo apotu ŋirukitos keŋ totwaka apaki ŋina anomiyarya akim ŋikilyok ŋulu arae ekimar kec ŋamiae ŋaarei ka ŋatomonikan; apotu ŋun toruworos akitoodikinet aneni a Ŋisirael.

Mat. 10:15

Akalimokini ayoŋ iyes kire atemar, Akoloŋit ŋina ka atubokino erimakinio ŋituŋa ŋulu a Sodoma ka ŋulu a Gomora akilo ŋulu ke etaun a ŋol.

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

Ŋirom. 9:29

Ikwaan ŋakiro ŋun ka ŋuna aris Isaya kedwar ebala, “Ani kerae nyikiesikinitor Ekapolon ŋolo etiron iwon ŋiletok ŋice, ketinen iwon kikikok Sodoma ka Gomora, ŋulu aponi kinyasunae.”

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Yud. 1:15

atubokin ŋituŋa daadaŋ, atubokin ŋulu nyekerito Akuj aŋuna a ŋaronisya a ŋuna apotu ikes kitiyata, ka atubokinia ikes a ŋakiro a daadaŋ a ŋuna kepotu ikes kirworotor iŋes emam akerit.”

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.