2 Pet. 1:1 - Ebaibul

¹ Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

2 Pet. 1:1 Iomraidhean Croise

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Mat. 10:2

Ŋirorwa a Ŋikiyakia a ŋulutomon ka ŋiarei ikes lu, ŋolo esyaunan Simoni, ŋolo anyaritae Petero ka Anderia lokaato keŋ; Yakobo lokoku a Sebedeo, ka Yoana lokaato keŋ;

Mat. 4:18

Ani itori Yesu diye anam ŋina a Galileya, kiŋolik ŋikaitotoi ŋiarei, Simoni (ŋolo anyaritae Petero) ka lokaato keŋ Anderia, ecakakinete ŋatibae nanam, anerae arae ikes ŋikekamak ŋikolya.

Luk. 1:47

elelyani etau kaŋ aŋuna ka Akuj Ekaiunan kaŋ,

Luk. 11:49

Iŋes nai ebaakar aosou ŋina ka Akuj ebe, ‘Eyakiyari ŋikadwarak kaŋ ka ŋikiyakia neni kec, earete ikes ŋice, kitidiŋa ŋice.’

Yoa. 1:42

Yau iŋes Simoni neni a Yesu. Kitek Yesu Simoni, tolimok tema, “Ikwa irae iyoŋ Simoni, lokoku a Yoana a? Ikinyarao iyoŋ tokona Kepa” (iŋes atemar ataaba kori Petero a Ŋagirik).

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Yoa. 20:21

Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.”

Ŋitic. 15:14

Adau Simoni Petero alimun epite ŋolo esyaunia Akuj alemun ateker keŋ alotooma ŋituŋa ŋulu nyerae Ŋiyudayan, kituruwo ŋulu keŋ.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 1:12

Iŋes atemar esimukekinos iwon kaapei ananupit yok; ekesimukek ayoŋ iyes ananupit kus ka ikisimukekis iyes ayoŋ ananupit kaŋ.

Ŋirom. 1:17

Anerae isileereunito Ŋakiro ŋuna Ajokak epite ŋolo ituruworya Akuj ŋituŋa ŋulu iyookino alokiŋaren keŋ: erae alotooma anupit, ameun anakisyakinet tari nasalunet, ikwapei igiritere atemar, “Iŋes ŋini iyookino a ŋuna enupitor neni ka Akuj, eyari.”

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

1 Ŋikor. 9:1

Nyayakar mono ayoŋ apedor akitiya ŋuna acamit a? Meere mono ayoŋ ekiyakia a? Nyeŋolikinit mono ayoŋ Yesu Ekapolon yok a? Meere mono iyes ŋulu ipotu tonupa anakitatam kaŋ ŋakiro ŋuna ke Ekapolon a?

2 Ŋikor. 4:13

Ebasi Ŋakigireta ebe, “Abu ayoŋ erwor, anerae abu onup”. Alonupitene a ŋolopei, ikinupit isua daŋ ka erae ŋakiro ŋun ikirworor.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 2:8

Anerae ikwapei abunio Akuj kituruworya Petero ekiyakia neni a Ŋiyudayan, abu eketuruwo ayoŋ daŋ ekiyakia neni a ŋituŋa a ŋulu nyerae Ŋiyudayan.

Ŋiep. 3:5

Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Ŋiep. 4:11

Iŋes ŋolo egiritae ebe, “Inak ŋainakineta lotuŋa”; abu inak ŋice aruwor ŋikiyakia, ŋice ŋikadwarak; ŋice aruwor ŋikalimonokinak, ŋice ŋikeyokok ŋulu a ŋatukon a Ŋikristo ka ŋiketatamak.

Ŋiep. 4:5

Eyai Ekapolon epei, anupit apei ka ebatisimu epei.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

2 Tim. 1:5

Atamunit anupit ŋina a kire ŋina iyakar iyoŋ, ŋina ikoni ŋina a tata kon Lois ka ŋina a toto kon Eunike. Ayeni ayoŋ jik atemar iyakar tari iyoŋ anupit ŋin.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Tito 1:4

Egirit ayoŋ neni kon Tito, a ŋolo irae lokoku kaŋ ŋolo a kire ananupit a ŋina ikimori ayoŋ ka iyoŋ. Toyai neni kon ajokis ka ekisil aneni ka Akuj Papa ka aneni a Yesu Kristo Ekaiunan yok.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

2 Pet. 1:4

Alopite a lo, ikiinak iŋes iwon ŋainakineta ŋuna apolok nooi, ŋuna abu ikiik, ikotere topedoryata iyes abucar alokibure a ŋolo ka akwap a na; a ŋolo eyauni atwanare, ido toruworos ŋikamorak ŋulu ka akujuwuanut keŋ.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo: