2 Ŋirw. 9:6 - Ebaibul

⁶ Tonyou nai Yeu toloma tooma, tobukok ekadwaran ŋolo asorokana ŋol akimyet nakou a Yeu irworo ebala, “Ebala Ekapolon ŋolo erae Akuj a Isirael, ekeos ayoŋ iyoŋ aruwor erwosit ŋolo a ŋituŋa ke Ekapolon, erwosit ŋolo a Isirael.

2 Ŋirw. 9:6 Iomraidhean Croise

1 Ŋirw. 1:34

Ani idolete nen, tolimokis esacaradoti Sadok ka ekadwaran Nasan kiosakis iŋes akimyet kituruwosi erwosit a Isirael. Ani ekaku, tokutakis arupepe temasi, ‘Ikigasi isua torubak erwosit Solomon eyari.’

1 Ŋirw. 10:9

Akipuro toyai neni ke Ekapolon Akuj kon, ŋina alakari a ŋuna kon, ido ikiinak iyoŋ akiboikin lokicoloŋ ikwapei erwosit a ŋituŋa a Isirael. Aŋuna ka amina ka Akuj Ŋisirael ŋikaru ka ŋikaru, ikituruwo iŋes iyoŋ erwosit, ikotere itubi ŋakiro anakiyookino ka kitiyae ŋuna iyookino.”

1 Ŋirw. 14:7

Ape tolimok Yeroboam ebe, ‘Ebala Ekapolon Akuj ŋina a Ŋisirael: Abu ayoŋ eketopoloo iyoŋ alokidiŋ ŋituŋa, eketuruwo iyoŋ ekarikon a ŋituŋa kaŋ a Ŋisirael,

1 Ŋirw. 16:2

“Abu ayoŋ eketopoloo iyoŋ anaraakau ecaryoit, eketuruwo ekapolon a ŋituŋa kaŋ a Ŋisirael, nai iwuap iyoŋ ŋuna etiyat Yeroboam ka irikok ŋituŋa kaŋ Ŋisirael nasecit, ido ikitoŋo iyoŋ ayoŋ aŋuna a ŋasecisya kec.

1 Ŋirw. 19:16

Kiosak Yeu lokoku a Nimisi akimyet, kituruwo iŋes erwosit a Isirael, kiosak neni ke Elisa alokoku a Capat a ŋolo alo Abelimeola kituruwo iŋes ekadwaran kilunyokin moi lorot kon.

1 Ŋirw. 3:8

Ayai ayoŋ ne eketiyan kon, kidiŋ ŋituŋa ŋulu iseu iyoŋ, ŋituŋa kon ŋulu alalak ŋulu nyeyenen ekimar, kori ŋulu nyimarun aŋuna elalaata.

2 Ŋirw. 9:3

Tolemu nai ecupa ŋolo eyai akimyet, tobukok nakou keŋ, tema, ‘Ebala Ekapolon, ekeosak ayoŋ iyoŋ akimyet kotere toruwor erwosit a Isirael.’ Ani irikakin, toŋaa atipei ekek tomatar mam adidikin.”

2 Ŋirw. 9:5

Ani edoli iŋes nen, toryamu ŋikapolok a ŋasigarya etukokina ianete. Kirworik iŋes tema, “Ekapolon, eya ŋakiro ŋuna ayaunit ayoŋ neni kon.” Kiŋit Yeu iŋes tema, “Ŋae aneni kosi isirwori iyoŋ?” Toboŋok ekadwaran tema, “Iyoŋ ekapolon.”

2 Ŋakiro a ŋirwa 22:7

Analosit Aasia aanyun Yeoram, abu Akuj kitemok ŋuna ka atwanare keŋ. Ani edoli Aasia Yesireel, abu torukosi ka Yeoram akisiryam Yeu lokoku a Nimisi, ŋolo sek keris Ekapolon Akuj keseu amunyar ekal ka Aab.

Ŋikiru. 2:6

“Ewuak ayoŋ erwosit kaŋ Sion, lomukura kaŋ ŋolo asegan.”

Ŋikiru. 75:6

Mam ipei daŋ ŋini alo Kide, kori alo To, kori analoŋisat, ŋini emaikina kitopoloo ituŋanan.

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 2:7

Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.