2 Ŋirw. 9:26 - Ebaibul

²⁶ ‘Eŋolik bien ayoŋ Nabos ka ŋidwe keŋ ŋulusapa earyo. Nai kire jik, akaari ayoŋ iyoŋ daŋ Yoram alomanikor alopei a lo.’ Todakutu tokona akuwan keŋ kiŋa, kimasakis lomanikor, lopite ŋolo erworitor Ekapolon.”

2 Ŋirw. 9:26 Iomraidhean Croise

1 Ŋirw. 21:13

Potu nai ŋikesitakinak a Nabos ŋasyanisya ŋunaarei kiboikinos epeiwae Nabos, ido kisitakis ŋasyanisya ŋun Nabos alokiŋaren ŋituŋa temasi, “Adau Nabos akicen Akuj ka erwosit.” Aŋun apotu ikes yaasi Nabos kiŋa etaun tocaka iŋes a ŋamoru.

1 Ŋirw. 21:19

Tolimok iŋes ebe, ‘Ebala Ekapolon, idau ba iyoŋ akiar Nabos ka ituruwo emanikor keŋ ŋolo kon?’ Tolimok iŋes ebe, ‘Ebala Ekapolon, emeyete ŋiŋokwo ŋaokot kon anakibois a ŋina ameyoto ŋaokot a Nabos.’ ”

2 Ŋirw. 9:21

Kirworik Yoram tema, “Totena!” Kitemokis ikes agaari keŋ ŋina eritae a ŋaŋolei. Tosodo erwosit Yoram kaapei ka erwosit Aasia ŋolo a Yudaya todokasi nagaari kec ŋuna eritae a ŋaŋolei, toloto akisiryam Yeu. Kiryama ikes ka iŋes lomanikor a Nabos a ŋolo alo Yesireel.

2 Ŋirw. 9:25

Tolimok Yeu ekapolokiniton ŋasigarya keŋ Bidikar tema, “Todakutu akuwan keŋ anagaari, kimasakis tooma emanikor ŋolo paaran a Nabos a ŋolo alo Yesireel. Totamunite mono iyoŋ apaki ŋina paaran emetere iwon ŋagaari yok ŋuna eritae a ŋaŋolei ibakiyaritae, iwuapitae erwosit Aab ŋolo arae papa keŋ a Yoram, abu Ekapolon tolimu ŋakiro a Yeu tema,

2 Ŋakiro a ŋirwa 24:25

Keponi towanae Yoas nooi, ani kerotokis ŋasigarya ka Aram, apotu ŋikapolok ŋiarei ŋulu sek epukatotor iŋes kimana Yoas aŋuna ka akinyaŋarya Sakariya lokoku a esacaradoti a Yeoiyada, ido toara iŋes alokitaada keŋ. Aponi nai Yoas tonukae lotaun a Daudi, nai meere neni anukitae ŋirwosi ŋuluce.

2 Ŋakiro a ŋirwa 25:4

Nai nyeara iŋes ŋidwe a ŋikaarak a ŋul. Etiyae iŋes ŋun lopite ŋolo igiritere lokitaabo ŋolo a ŋikisila a Moses neni icikitor Ekapolon ŋituŋa keŋ ebe, “Nyearyo ŋikauruunak aŋuna a ŋidwe, kori nyearyo ŋidwe aŋuna a ŋikauruunak, nai earyo ŋinituŋanan aŋuna a ŋasecisya keŋ.”

Ŋikiru. 9:13

Okoe Ekapolon, kiŋolik epite ŋolo ekesicanitotor ayoŋ ŋimoe kaŋ! Kisyoni ayoŋ, ido toiunae nyaloma natwanare,

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Esek. 18:19

“Nai ibasi iyes, ‘Kaanukiro nyeryamunia lokoku ŋican aŋuna ka asecit a papa keŋ?’ Eyari kire jik lokoku aŋuna etiyaa ŋuna ecamakinito ŋikisila ka ŋuna iyookino ka aŋuna abunio kiwuapya ejok ŋakiro daadaŋ ŋuna alimokinit ayoŋ iŋes akiwuap

Abak. 2:10

Adaut ŋiticisyo kus ayaun ŋileec lokalya kus aŋuna tokona imunyaryata iyes ŋakwapin ŋuna alalak; idaut iyes ayaun ŋican nawat kus.

Ŋikis. 24:16

Nyemaikina akiar ŋikauruunak aŋuna a ŋidwe kec, kori akiar ŋidwe aŋuna a ŋikauruunak kec, nai earyo ŋinituŋanan aŋuna a ŋadyakanareta keŋ a ilope.

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,