2 Ŋirw. 8:10 - Ebaibul

¹⁰ Tolimok Elisa iŋes tema, “Tolot, tolimok iŋes atemar ebookoi eŋaleuni iŋes; nai aneni kaŋ, adau Ekapolon akitoodikin ayoŋ atemar kire etwani iŋes.”

2 Ŋirw. 8:10 Iomraidhean Croise

Akisy. 2:17

nai ŋuna a Ekitoe a ŋolo ka ayenut ajokis ka aronis, nyitemokino iyoŋ akinyam, anerae akoloŋit ŋina inyamia iyoŋ ikes, itwani iyoŋ kire jik.”

Akisy. 41:39

Aŋun, tema Parao neni a Yosepu, “Ikwapei ikitoodikinia Akuj iyoŋ ŋakiro nu daadaŋ, mam ituŋanan ice ŋini epatana ayenun ŋakiro, ŋini eos ikwa iyoŋ.

1 Ŋirw. 22:15

Ani kedolu iŋes neni a erwosit, kiŋit erwosit iŋes tema, “Mikaia, elosyo isua akitijiore ŋituŋa a Ramos-Gilead, kori nyikilosi?” Toboŋok Mikaia iŋes tema, “Apesi kitijikisi ikes, kilou; einakini Ekapolon Ramos-Gilead neni kon a erwosit.”

2 Ŋirw. 1:16

tosodi Elia tolimok Aasia tema, “Ebala Ekapolon aŋuna ibunio iyoŋ kiyaki ŋituŋa akiŋitun ŋakiro kon aneni a Baalsebub, a ŋina erae akuj a etaun a Ekiron, esibit mam Akuj alo Isirael, mam jik nyinyouni iyoŋ anaryeba kon, nai itwani jik iyoŋ.”

2 Ŋirw. 1:4

Alimu tokona Ekapolon ebe, ‘Nyiŋaleuni iyoŋ anaryeba kon, itwani jik iyoŋ!’” Torotok nai Eliya a nen.

Yer. 38:21

Nai ani pa kicamu iyoŋ akilouno, ekesileerek Ekapolon ayoŋ ŋakiro nu:

Esek. 11:25

Abu nai ayoŋ olimok ŋituŋa ŋulu eelaritae anakwap kec ŋakiro daadaŋ ŋuna abu Ekapolon eketoodik ayoŋ.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Amos 7:1

Erae nu ŋakiro ŋuna abu Ekapolon Akuj ekesileerek ayoŋ: Abu ayoŋ eŋolik Ekapolon itemonokini emaase ŋolo alalan, kedaun akilem ŋikinyom ŋulu a erwosit, apaki ŋina elomuniata ŋikinyom ŋice.

Amos 7:4

Abu nabo Ekapolon ekesileerek ayoŋ ŋakiro nu: Abu ayoŋ eŋolik Ekapolon itemonokini akim akisicania Ŋisirael. Abu akim ŋin tonom anam ŋina alotooma akwap ka abu tonom akwap daadaŋ.

Amos 7:7

Abu nabo Ekapolon ekesileerek ayoŋ ŋakiro nu: Abu ayoŋ eŋolik Ekapolon ewoi alodiyete arwatata ŋina kedukio ipimio a akipimet, atiŋit Ekapolon akipimet anakan keŋ.

Amos 8:1

Abu Ekapolon ekesileerek ayoŋ ŋakiro nu: Abu ayoŋ eŋolik Ebukit ŋolo aya ŋaraito ŋuna akonok.

Sakar 1:20

Ekaku, abu emalaika eketoodik ayoŋ ŋiketyakak ŋasuwa ŋiomwon.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.