2 Ŋirw. 8:1 - Ebaibul

¹ Alimokinit sek Elisa aberu ŋina abu iŋes kiteyaru lokoku keŋ tema, “Tonyoutu ka ekal kon, tolomiyasi neni daadaŋ icamito; enyaraunit Ekapolon eron abunore nakwap na, eron ŋolo eropari ŋikaru ŋikanikaarei.”

2 Ŋirw. 8:1 Iomraidhean Croise

Akisy. 12:10

Toyakaun eron nakwap a Kanaan, kitowuoto ŋun Aburam totiyaar tolomiya Ijipit akiboi a nen erae egelaanot, anerae arono eron nooi alo Kanaan.

Akisy. 26:1

Apaki ŋin, ayai eron ece nakwap ŋin, meere ŋolo ayai alorwa a ŋulu ka Aburaam. Tonyou Isaka tolot Gerar neni ka Abimelek a erwosit a ŋolo a Ŋipilistin.

Akisy. 41:25

Tema nai Yosepu neni a Parao, “Erae apolou a ŋakiro a ŋuna irujat Parao apei ka ikwaan, adau Akuj akitoodikin Parao ŋuna eapi Akuj akitiyakin.

Akisy. 41:32

Aponi kisirujae Parao ŋakirujaeta ŋaarei, anerae adau Akuj akiwuakin apaki ŋina itiyakinotor ŋun, ido itiyakini Akuj ŋun atipei.

Akisy. 41:54

Kisyakis ŋikaru ŋulukanikaarei ŋulu a eron aponare ikwapei sek alimunitor Yosepu. Toyakaun eron nakwapin daadaŋ, nai ayai akimuj ŋina sek edyasyo nakwap a Ijipit daadaŋ.

Akisy. 47:4

Temasi nabo ikes neni a Parao, “Ikiponit isua akiboi anakwap a na ikirae ŋigelae; isua ŋiketiyak kon, ikimamukar ŋinya a ŋamesekin kosi, anerae epol nooi eron anakwap a ŋina a Kanaan. Ikiŋisit tokona isua iyoŋ itocamak isua ŋiketiyak kon tolomae nakwap ŋina a Gosen.”

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

2 Sam. 24:13

Aŋun, abu Gad tolot neni a Daudi kiŋit iŋes tema, “Emaikina mono yaunae ŋikaru ŋiuni ŋulu a eron nakwap kon a? Kori emaikina iyoŋ iemi anakwap kon ŋilapyo ŋiuni ikiwuapito ŋimoe kon a? Kori emaikina edeke eyakaun nakwap kon ŋirwa ŋiuni a? Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 18:2

Aŋun, abu Eliya tolot kitoodiyar neni ka Aab. Apaki ŋin, arono nooi akoro alo Samaria.

2 Ŋirw. 4:18

Ani epolouni idya tolot akoloŋit apei neni a papa keŋ a ŋolo arukito ka ŋituŋa ŋulu alemete emanikor.

2 Ŋirw. 4:36

Tonyara Elisa Geasi tema, “Tonyara aberu ŋina alo Sunem.” Tonyara Geasi aberu ŋin ŋina abu bu neni ke Elisa. Tolimok Elisa iŋes akiya ikoku keŋ ŋin ŋinisapat.

2 Ŋirw. 4:38

Abu nai Elisa toboŋo Giligal apaki ŋina ayakar eron nakwap ŋin. Akoloŋit apei abu atukot a ŋikadwarak kiboikin kiŋaren Elisa, tolimok Elisa eketiyan keŋ tema, “Kidoroki amot ŋina apolon, kipou akimuj adio aŋuna ka atukot a ŋikadwarak.”

2 Ŋirw. 7:20

Apotu kire ŋun kitiyakinos neni keŋ, kipudaasi ŋituŋa iŋes alopuke ke etaun totwan.

2 Ŋirw. 8:2

Tosodi aberu towotok lopite ŋolo alimokinitor Elisa iŋes; towot iŋes ka ekal keŋ tolomiya nakwap a Ŋipilistin kiboi a nen ŋikaru ŋikanikaarei.

Ŋikiru. 105:16

Abu Ekapolon yau eron nakwap kec, togolo ŋirotin daadaŋ ŋulu eryamununuyata ikes akimuj.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Yer. 25:29

Kiirasi, ageu ayoŋ ayaun ŋican lotaun lo ŋolo enyaritae a ekiro kaŋ, ido ikokinete iyes ipuunosi anakisicanio ai? Nyibucarosi iyes pa ikisicanitae, anerae anyarau ayoŋ ŋituŋa akitijiore ŋituŋa ka akwap a daadaŋ.’

Ŋilep. 26:26

Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Agai 1:11

Adau ayoŋ anyarare aonite min lomanikorin ka lokamukumukui, ido tonom ŋikinyom, ŋikito a epiini, ŋikito ŋulu a Olipa ka ibore daadaŋ ŋini eraununui analup, tonom ŋituŋa ka ŋityaŋ ta ibore daadaŋ ŋini itiyaete ikes.”

Luk. 21:11

Eyakaun amaran ŋina ka akwap alowaetin a ŋulu egelegelya, nabo eyakaun eron ka ŋidekesyo daadaŋ ŋulu aronok; etakanunete ŋakitoodikineta ŋuna atyonok alokidiama, kitubulo ŋituŋa.

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Luk. 4:25

“Nai akalimokini ayoŋ iyes atemar, alalak ŋapuseru alo Isirael ŋirwa ŋulu ke Eliya, ŋina aŋopiyarya akiru ŋikaru ŋiuni ka ŋilapyo ŋikanikapei, bu eron ŋolo aronon nooi nakwap ŋin daadaŋ.

Ŋitic. 11:28

Tonyou epei alokidiŋ kec ŋolo anyaritae Agabo, todwar ka apedor a ŋina ke Etau a ŋolo Asegan atemar ebuni eron ŋolo apolon nakwap daadaŋ. Abu nai eron ŋol bu apaki ŋina araakar Klauda ekepukan a Roma.

Rus. 1:1

Anapaki a ŋina araakar ŋikatubok epukato Isirael, tolomu eron nakwap ŋin. Abu ekile epei torotok alore a ŋolo alo Betelem a ŋolo eyai Yudaya, tolot akiboi Moab kaapei ka aberu keŋ ka ŋidwe keŋ ŋulusapa ŋiarei. Arae ikes ŋulu anateker a Epuraim alo Betelem anakwap a Yudaya. Apotu ikes toloto Moab kiboiyoto a nen.