2 Ŋirw. 7:6 - Ebaibul

⁶ Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

2 Ŋirw. 7:6 Iomraidhean Croise

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 5:24

Ani iirari iyoŋ ŋakejen erwosi ikamete ŋikito a Balsam alokidiama, toten ejok; anerae apaki ŋin adau Ekapolon akiŋarenikin iyoŋ akiar ŋajorei a Ŋipilistin.”

1 Ŋirw. 10:29

Agyelununuyo ŋagaari a Ijipit a ŋicekelya a ŋulu a esilipa a ŋamiae a ŋakanikapei, ido agyelununuyo ŋaŋolei a ŋicekelya a ŋulu a esilipa a amiat ka ŋatomonikan. Agyelanarete ŋimucurus a erwosit ŋaŋolei ŋun ka ŋagaari ŋun lorwosi ŋulu a Ŋiitaiti ka ŋulu ka Aram.

1 Ŋirw. 20:20

Toar ŋinituŋanan a ŋisorok a ŋul ekile ŋolo ajioto iŋes; tobwaŋa Ŋiramean, kirita Ŋisirael ikes. Nai abu Ben-Adad erwosit ka Aram tosi edokit aŋole, tosiwa ka ŋasigarya ŋuna ewuapito iŋes.

2 Ŋirw. 19:7

Kiira, abuni ayoŋ elope akisiirar erwosit ka Asiriya ŋakiro ŋuna itorotokinete iŋes toboŋo nakwap keŋ, ido ani edoli iŋes inaa, etaari ayoŋ ŋituŋa iŋes.’ ”

2 Ŋirw. 7:5

Ani ŋinibore ikaikakinia akwap eboŋ, tonyout ŋikilyok ŋul, toloto neni aya ŋasigarya ka Aram, nai ani eapikinete ikes neni eboiyoto ŋasigarya ŋun, toryamut akwap esil emam ituŋanan eyai.

Yob 15:21

Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Ŋikiru. 14:5

Ikes nai ŋul, abul ikes nooi, anerae erukito Akuj ka ŋulu iyookino.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 36:9

Ikokini nai iyoŋ ipedori akiloun ekapolon epei ŋolo edit anapolou aneni a ŋikapolok a ŋulu a ekapolon kaŋ, erae kikinyomit iyoŋ Ijipit aŋuna a ŋaŋolei ka ŋikametok ŋaŋolei ai?

Yer. 46:21

Tari ŋikajiok keŋ ŋulu ipaŋgaunitae, ikwaan ka ŋitak ŋulu atumak, ikes daŋ ibelekin toema kaapei, nyewoikinete ŋimoe, anerae adolu akoloŋit ŋina isicanere ikes, adolu apaki ŋina ka amunyaro kec.

Esek. 1:24

Ani erotokinete ŋisubuna ŋul, abu ayoŋ eira eruye a ŋabebenuk kec ŋolo arwo ikwa ŋakipi ŋuna ipumasi, kori ikwa etoil ŋolo ka Akuj a ŋina Etiron, kori ikwa ŋitoilon a ŋasigarya a ŋuna alalak nooi a ŋuna esurur. Ani ewoete ikes, totiyaut ŋabebenuk kwap.

Esek. 10:5

Apaki ŋin, apedoritae akiirar eruye a ŋabebenuk a ŋisubuna ŋulu a ŋabebenuk tari iyai nalapatu ŋina alokiŋa Akai ka Akuj, ekoni eruye ŋol irworikini etoil ka Akuj a ŋina etiron.

Akis. 9:9

Arapap ŋatorobwo kec a ŋarapeta a ŋuna etiyaunitae a ŋasuwa, eruye ŋolo a ŋabebenuk kec ekwaan ka eruye ŋolo a ŋagaari a ŋuna irito ŋaŋolei a ŋuna emaryaara lojiye.

Ŋikat. 7:21

Abu ŋolokile towo anakibois keŋ irimokinito kidiŋ akibois daadaŋ ŋina ayakasi ŋajorei a Ŋimidian tobwaŋa ajore a Ŋimidian ŋina sek ayai nakibois ŋin, kiworout toema.

1 Sam. 14:15

Tobul Ŋipilistin daadaŋ ŋulu aya neni eboiyo ajore ka ŋulu aya lomanikorin, ŋulu edarito ŋimoe anakiboisyo a ŋace ka ŋulu aŋaarito ŋajorei akirem iwace. Abu daŋ akwap tomaranik. Toyakaun ekabule neni a Ŋipilistin, ekabule ŋolo erae Akuj ayauni.

1 Sam. 26:6

Kiŋit nai Daudi Eitait ŋolo anyaritae Aimelek ka Abisai lokoku a Seruia lokaato a Yoab tema, “Ŋae iyes ikitiyaar ka ayoŋ ama, neni iboiyoto ŋasigarya a Saul, oloto ka ayoŋ neni a Saul?” Toboŋok Abisai tema, “Ikirukori ayoŋ ka iyoŋ.”