2 Ŋirw. 7:1 - Ebaibul

¹ Toboŋok Elisa tema, “Kiira ŋakiro ŋuna irworo Ekapolon! Moi taparacu esaa lopei lo, igyelete iyes alopuke a Samaria ŋaganoi ŋuna ajokak nooi ŋuna a ŋakiloi a ŋauni ka ŋikinyom Ŋulu ikote erau ŋulu a ŋakiloi a ŋakanikapei a ecekel ke epei.”

2 Ŋirw. 7:1 Iomraidhean Croise

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

2 Ŋirw. 20:16

Abu Isaya tolimok erwosit Esekia tema, “Kiira akirot ŋina ke Ekapolon na ebe,

2 Ŋirw. 4:42

Akoloŋit apei, bu ekile ece alo Baalsalisa, ainunit iŋes neni ke Elisa ŋamugati ŋatomoniarei ŋuna ke erau a ŋolo esyaunio alemun alokaru a ŋol. Ayaunit iŋes tari ŋakyes a ŋimomwa a ŋulu apaalak eya loguniya. Kirworik Elisa tema, “Tokorakisi ŋituŋa akimuj na kimuja.”

2 Ŋirw. 6:25

Ikwaŋina abunio ya apaki ŋina aoyan irikaunitae etaun, abu eron alo Samaria tolalaar; todol egyelit ŋolo agyelere akou a esigirya ŋicekelya ŋulu arae ŋisilipae ŋatomonikanikauni, tosodi aenet apei ŋina ke edya aŋolo ekwaan ŋakuii ka ŋuna ke etuŋguru, ŋuna aapikinito akilo, agyelyo a ŋicekelya a ŋulu arae ŋisilipae ŋikan.

2 Ŋirw. 6:33

Ani eriŋa Elisa irworosi ka ŋikasikou, todolu erwosit, kirworik tema, “Ekapolon iŋes ayau ŋican lu! Anukiro tokona eriŋa ayoŋ egenor Ekapolon”

2 Ŋirw. 7:16

Tonyout nai ŋituŋa ŋulu ke etaun a Samaria toloto aŋatar ŋiboro aneni sek eboiyoto ŋasigarya ka Aram. Togyelanarae ŋaganoi ŋuna ajokak nooi ŋuna a ŋakiloi a ŋauni ka ŋikinyom ŋulu ikote erau ŋulu a ŋakiloi a ŋakanikapei a ecekel ke epei, lopite ŋolo alimunitor Ekapolon aneni ke Elisa.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Awos. 8:23

Eketaanyikini ayoŋ iyoŋ atyeketait ŋina eyai kidiŋ ŋituŋa kaŋ ka ŋulu kon. Etakanuni akujuwuanut ŋin moi taparacu.”

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Esek. 37:4

Tema nai iŋes neni kaŋ, “Todwar aŋuna a ŋakoyo anu, tolimok ikes atemar, okoe iyes ŋakoyo ŋuna aonok deu nu, kiirasi ŋakiro a Ekapolon.

Yoa. 6:9

“Eyai nege edya ŋolo eyakar ŋamugati ŋakan ka ŋikolya ŋiarei. Nai epedori mono akimuj ŋin akiryam ŋituŋa lu daadaŋ a?”

Yos. 3:5

Tolimok nai Yosua ŋituŋa tema, “Kitesegas, kitaleunos, anerae itiyae moi taparacu Ekapolon ŋaumonokineta neni kus.”

Akis. 6:6

Abu eira ibore ŋini erworo ikwa etoil ŋolo ebunit alosubuna a ŋuluomwon ebala, “Einakinio apeikilo ŋina a ŋaganoi ka ŋakiloi ŋauni ŋuna ke ekidikidi aŋuna ke etic a ŋolo ka apeikoloŋit. Nai nyinyas ŋikito ŋulu ka akimyet ka ŋimanikorin ŋulu ke epiini!”

1 Sam. 11:9

Temasi ikes neni a ŋituŋa a ŋulu eyakuunitae alo Yabes, “Apesi tolimokisi ŋituŋa ŋulu alo Yabes-Gilead ebe, ‘Ikiunio iyes moi taparacu apaki ŋina emwanunia akoloŋ.’” Ani epote ŋikiyakia ŋul, elimokinete ŋituŋa a Yabes ŋakiro ŋun, tolelyana nooi ŋituŋa a Yabes.

1 Sam. 15:1

Tema Samuel neni a Saul, “Ekeyakuu ayoŋ Ekapolon akiosakin iyoŋ akimyet toruwor erwosit a Ŋisirael; aŋun, topupok tokona ŋakiro a Ekapolon.