2 Ŋirw. 6:9 - Ebaibul

⁹ Nai kebu Elisa ituŋanan ŋini ka Akuj, kiyakiya akirot neni ke erwosit a Isirael ebala, “Toceite itori nen, anerae adaut ŋasigarya ŋuna ka Aram akiŋareniyor lorot ŋol.”

2 Ŋirw. 6:9 Iomraidhean Croise

1 Ŋirw. 20:13

Apaki ŋin, bu ekadwaran neni ka Aab a erwosit a Isirael tema neni keŋ, “Ebala Ekapolon ebe, ‘Ite iyoŋ ŋasigarya ŋuna alalak nu a? Ekemyekini ayoŋ iyoŋ kilou ikes nakoloŋit na, ido iyenuni iyoŋ atemar arae ayoŋ Ekapolon.’ ”

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

2 Ŋirw. 4:1

Abu aberu ace ŋina a ekile a ŋolo anatukot a ŋikadwarak tolot neni ke Elisa, kikaloik tema, “Ekapolon, abu ekile kaŋ totwan. Iyeni iyoŋ atemar arae iŋes ekile ŋolo etopoloorit Akuj; nai abu tokona ituŋanan ŋini emican akiya ŋisapa kaŋ ŋuluarei akituruwor ŋipi.”

2 Ŋirw. 4:27

Ani edoluni iŋes lomoru Karimel neni ayai Elisa, totunakin iŋes nakejen ke Elisa. Kikomaiya Geasi ecamit akijukar iŋes aneni ke Elisa. Nai abu Elisa tolimok Geasi tema, “Toesik iŋes bon; anerae etakani esibit eyakasi ŋakiro ŋuna eriebete iŋes ŋuna nyelimokina Ekapolon ayoŋ. Mam ŋakiro akalimoki Ekapolon ayoŋ aŋuna keŋ.”

2 Ŋirw. 4:7

Abu iŋes toboŋo neni ke Elisa, tosodi tolimok Elisa iŋes tema, “Tolot togyelana akimyet totac ekemican kon. Ani ŋina epiyanun toyaryata iyoŋ ka ŋidwe kon.”

2 Ŋirw. 6:10

Kiyakiya erwosit a Isirael akirot neni sek alimunit Elisa. Toboŋonok Elisa alimonokin erwosit a Isirael atemar totenite.

2 Ŋirw. 6:12

Toboŋok epei a ŋikapolok a ŋasigarya keŋ tema, “Ekapolon, mam ipei daŋ. Erae ekadwaran ŋolo enyaritae Elisa alo Isirael, iŋes elimonokini erwosit a Isirael ŋakiro ŋuna irworo iyoŋ anagule kon a ŋina iperi iyoŋ.”

2 Ŋirw. 6:8

Ŋirwa ŋice ŋulu ajioto erwosit ŋolo ka Aram ka ŋituŋa a Isirael, abu erwosit ka Aram totukut ka ŋikarikok ŋasigarya keŋ, ewae ŋolo acamit iŋes akiriwokin ŋasigarya.

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋakit. 22:12

Erae acamit ŋina a Ekapolon aanyun atemar irworo ituŋanan ŋakiro ŋuna ka aosou, nai eŋerit Ekapolon akiiranar ŋakiro ŋuna irworo ituŋanan ŋini nyikinyoma.

Yer. 11:18

“Ekapolon iŋes eketeyenikini ayoŋ ka abu ayoŋ oyenu, ibu nai iyoŋ ikiteyenik ayoŋ ŋakiro kec ŋuna aronok ŋuna etiyaete ikes.

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.