2 Ŋirw. 6:22 - Ebaibul

²² Toboŋok Elisa erwosit tema, “Mam! Pa arae iyoŋ ibu kisitiya atum kon ka ŋikaleŋeleŋe akikamunia ŋulu tokona icamit iyoŋ akiar. Tokorak iyoŋ ikes akimuj kimuja ka tomata, ido kimyek ikes toboŋosi neni ke erwosit ŋolo epolokinit ikes.”

2 Ŋirw. 6:22 Iomraidhean Croise

Akisy. 48:22

Eyatakini tokona ayoŋ neni kon atutubet apei akilo ŋuna ainakini neni a ŋikaitotoi kon; atutubet ŋin iŋes ŋina abu ayoŋ olemu a ŋakan kaŋ aneni a Ŋiamori esitiyae ŋileŋia ka ŋikaleŋeleŋe kaŋ.”

Ŋikiru. 44:6

Nyekinyomit ayoŋ akau a ŋikaleŋeleŋe kaŋ ka ŋikaleŋeleŋe kaŋ, kori atemar akaiuni ayoŋ ekileŋ kaŋ alomoe,

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Yos. 24:12

Abu ayoŋ ewuak ekabule lorwosi ŋuluarei ŋulu a Ŋiamori eriŋa iyes nyedolo neni kec, ido apotu ikes tosuros, meere aŋuna a ŋileŋia kus, kori aŋuna a ŋikaleŋeleŋe kus asurotor ikes.