2 Ŋirw. 6:12 - Ebaibul

¹² Toboŋok epei a ŋikapolok a ŋasigarya keŋ tema, “Ekapolon, mam ipei daŋ. Erae ekadwaran ŋolo enyaritae Elisa alo Isirael, iŋes elimonokini erwosit a Isirael ŋakiro ŋuna irworo iyoŋ anagule kon a ŋina iperi iyoŋ.”

2 Ŋirw. 6:12 Iomraidhean Croise

2 Ŋirw. 5:26

Nai kiŋit Elisa iŋes tema, “Ikwa pa ikirukit ayoŋ ka iyoŋ alotau apaki ŋina adokunia ituŋanan anagaari a ŋaŋolei akisiryam iyoŋ a? Erae mono na apaki ŋina emaikina kijaununeere ŋisiliŋa, ŋilowi, ŋimanikorin ŋulu a ŋikito ka akimyet, epiini, ŋamesekin, ŋimoŋin, ŋipi ka ŋapi a?

2 Ŋirw. 5:3

Tolimok apese ŋin aberu a Naaman tema, “Kerae toyai epite ŋolo eanyunia ekapolon kaŋ Naaman ekadwaran ŋolo eyai Samaria, kitaŋaleu ekadwaran ŋol ekapolon kaŋ anadyak atapon.”

2 Ŋirw. 5:8

Nai, ani iirari ekadwaran Elisa atemar acilicili erwosit ŋilowi, kiyakiya akirot lorwosit tema, “Kaanukiro iciliciliya iyoŋ ŋilowi kon? Kimyek Naaman bu neni kaŋ, ikotere eyenuni atemar eyai ekadwaran Isirael.”

2 Ŋirw. 6:11

Apotu ŋakiro ŋun kisiilo nooi erwosit ŋolo ka Aram, aŋun, tonyarau iŋes ŋikarikok a ŋasigarya keŋ kiŋit tema, “Tolimokinae ayoŋ, ŋae alokidiŋ yok eriito ka erwosit a Isirael?”

2 Ŋirw. 6:13

Kirworik erwosit ka Aram tema, “Toloto toriputu neni iboiyo iŋes; acamit akiyakiyar ŋulu ikamunete iŋes.” Tolimokis ikes erwosit temasi, “Iboi aneni enyaritae Dosan.”

Awos. 8:3

Eburusiyarete ŋakidodoka aŋolol; epete tari kai kon ŋina ka apukan, epete tari nagule kon ka lokitaada kon. Epete tari nakais a ŋikapolok a ŋulu ipukatotor iyoŋ ka nakais ŋuna a ŋituŋa kon; epete tari lokenoi ka loboro ŋulu emunaere ŋakirya.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Ekal. 10:20

Nyiceni erwosit tari iyai nagule kon; anerae epedori tari ikyenyit akiya ŋakiro kon ŋuna icenor iyoŋ, kori epedori isubuna ice ŋini eya ŋabebenuk alimor ŋakiro ŋuna icenor iyoŋ.

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.