2 Ŋirw. 5:8 - Ebaibul

⁸ Nai, ani iirari ekadwaran Elisa atemar acilicili erwosit ŋilowi, kiyakiya akirot lorwosit tema, “Kaanukiro iciliciliya iyoŋ ŋilowi kon? Kimyek Naaman bu neni kaŋ, ikotere eyenuni atemar eyai ekadwaran Isirael.”

2 Ŋirw. 5:8 Iomraidhean Croise

2 Sam. 3:31

Tema nai Daudi neni a Yoab ka ŋituŋa daadaŋ ŋulu arukito ka Yoab, “Tocilicileta ŋilowi kus, tonapa ŋiguniyae, kigworo aŋuna ka Abiner.” Kiwuapak erwosit Daudi ŋituŋa edakito ibore ŋini eperikinitoe akuwan ka Abiner.

1 Ŋirw. 12:22

Nai abu akirot ka Akuj na bu neni a Semaia a ekile ŋolo amina Akuj ebe,

1 Ŋirw. 17:24

Tema nai aberu ŋin neni ke Eliya, “Ayenu tokona ayoŋ atemar irae iyoŋ ekile ŋolo irae ituŋanan ŋini ka Akuj ka akirot a Ekapolon ŋina irworo iyoŋ, erae ŋina a kire.”

2 Ŋirw. 1:6

Toboŋokis ikes temasi, “Ikipotu isua eryama ka ekile ŋolo ikilimokini isua aboŋun alimokin iyoŋ atemar, ebala Ekapolon, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a? Nyiŋaleuni iyoŋ anaryeba kon; itwani jik iyoŋ!’”

2 Ŋirw. 5:15

Toboŋosi nai Naaman ka ŋisigarya keŋ neni ke Elisa. Towo Naaman alokiŋaren Elisa tema, “Ayenu tokona ayoŋ atemar mam anakwap a daadaŋ neni eyai Akuj mati Isirael bon; tocamu tokona ainakinet aneni kaŋ a eketiyan kon.”

2 Ŋirw. 5:3

Tolimok apese ŋin aberu a Naaman tema, “Kerae toyai epite ŋolo eanyunia ekapolon kaŋ Naaman ekadwaran ŋolo eyai Samaria, kitaŋaleu ekadwaran ŋol ekapolon kaŋ anadyak atapon.”

2 Ŋirw. 5:7

Ani irikakini erwosit a Isirael akisyom abaruwa ŋin, tocilicili ŋilowi keŋ tocelu tema, “Arae ayoŋ Akuj ŋina aari ŋituŋa kori ŋina eteyarununui a? Kaanukiro iyakunitor etuŋanan ŋol ekile lo neni kaŋ atemar etaŋaleu ayoŋ anadyak atapon? Toanyutu mono iyes epite ŋolo iwaritor iŋes ebura ka ayoŋ?”

2 Ŋirw. 5:9

Bu nai Naaman erukito ka ŋasigarya keŋ ŋuna adokito ŋaŋolei ka ŋagaari ŋuna eritae a ŋaŋolei, tosodo towua alokiŋaren ere ke Elisa.

Awos. 11:8

Tema nai Moses irikakini erwor keŋ, “Epote ŋikapolok kus lu daadaŋ neni kaŋ, toryediko alokiŋaren kaŋ ebasi, ‘Apesi, iyoŋ kaapei ka ŋituŋa kon.’ Ekaku a ŋun, arotokini ayoŋ.” Torotok nai Moses aneni a Parao eŋoit nooi.

Esek. 2:5

“Ŋakiro ŋuna irworo Ekapolon Akuj ikes nu, ‘Kecamito ikes akiirar ŋakiro ŋuna irworo iyoŋ, kori pa kecamito (anerae erae ikes ekal ŋolo aŋeron), eyenunete atemar arukito ikes ka ekadwaran.’

Osea 12:13

Abu Ekapolon kisitiya ekadwaran ayaun Ŋisirael alo Ijipit ka abu Akuj kisitiya ekadwaran akiyokuunio ikes.

Ŋirom. 11:13

Ekesirwori tokona ayoŋ iyes ŋulu nyirae Ŋiyudayan, ikwaŋinapei araakar ayoŋ ekiyakia lotuŋa ŋulu nyerae Ŋiyudayan, enisakin ayoŋ nooi alotic kaŋ.

1 Sam. 9:6

Nai tema eketiyan ŋol neni a Saul, “Eyai lotaun ŋol ekile ŋolo erae ituŋanan ŋini ka Akuj, erae iŋes ekile ŋolo itopolooritae. Iyoonokin ŋakiro daadaŋ ŋuna elimuni iŋes. Apena neni keŋ tokona; acepaki ikilimokini iŋes iwon neni ikiryamunia ŋisigirya.”