2 Ŋirw. 5:7 - Ebaibul

⁷ Ani irikakini erwosit a Isirael akisyom abaruwa ŋin, tocilicili ŋilowi keŋ tocelu tema, “Arae ayoŋ Akuj ŋina aari ŋituŋa kori ŋina eteyarununui a? Kaanukiro iyakunitor etuŋanan ŋol ekile lo neni kaŋ atemar etaŋaleu ayoŋ anadyak atapon? Toanyutu mono iyes epite ŋolo iwaritor iŋes ebura ka ayoŋ?”

2 Ŋirw. 5:7 Iomraidhean Croise

Akisy. 30:2

Toŋoik Yakob Rakel nooi, kiŋit tema, “Arae mono ayoŋ Akuj ŋina ikimiki iyoŋ akidore a?”

Akisy. 37:29

Ani eboŋori Ruben kare ŋin, kiŋolik emam Yosepu alotooma akare, tocil ŋilowi keŋ.

Akisy. 50:19

Nai toboŋok Yosepu ikes tema, “Nyikuryaketa! Arae mono ayoŋ Akuj a?

2 Sam. 1:11

Abu Daudi tocilicili ŋilowi ŋulu anapit; kitiyata ŋirukitos a Daudi ŋunapei ŋun.

1 Ŋirw. 20:7

Tonyarau erwosit a Isirael ŋikasikou daadaŋ anakwap a ŋin tema neni kec, “Kiirasi mono iyes epite ŋolo iwaritor Ben-Adad, anerae abu iŋes kiyaku ŋituŋa neni kaŋ aomun ŋaberu kaŋ, ŋidwe kaŋ, esilipa kaŋ ka egolid kaŋ; ido abu ayoŋ nyawounia ŋul.”

2 Ŋirw. 11:14

Ani edoli iŋes nen, kiŋolik erwosit ŋolo ariŋa eseunio ewoi alopir a ekek a Akai ka Akuj, lopite ŋolopei sek ewoenenea erwosit a nen. Erimokinito iŋes kidiŋ ŋikarikok a ŋasigarya ka ŋikakutak ŋarupepe, tocelas ŋituŋa daadaŋ elelyanete, tokusete ŋarupepe. Abu arwosit Asalia tocilicili ŋilowi keŋ, kiworou tema, “Erae ibore en aruruma ŋina demaret arwosit apukan, Erae ibore en aruruma ŋina demaret erwosit apukan!”

2 Ŋirw. 18:37

Tosodo nai Eliakim lokoku a Ilikia ŋolo apolokinit etic alokai ke erwosit ka Sebina ekegirigiran ta Yoa lokoku ka Asap ŋolo eŋadae ŋakiro ŋuna adaun akigir, toloto neni ke Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton ejie a ŋasigarya ka Asiriya.

2 Ŋirw. 5:6

Ya iŋes abaruwa neni ke erwosit a Isirael, tosodi tosyom erwosit abaruwa ŋin ŋina abala, “Ani edoluni abaruwa na neni kon, toyenu atemar eyakuunit ayoŋ Naaman eketiyan kaŋ kitaŋaleu iyoŋ iŋes anadyak atapon.”

Yer. 36:24

Kikote neni daŋ, mam ekabule abu toyakaun neni a erwosit, kori neni a ŋiketiyak keŋ a idio a ŋulu apotu kiirasi ŋakiro ŋun daadaŋ, apotu ikes nyecila tari ŋilowi kec.

Dan. 2:11

Etyoko nooi ŋakiro ŋuna iŋita erwosit, mam ituŋanan epedori akisileereun neni a erwosit mati ŋakujo bon ŋuna nyiboiyete ka ŋituŋa.”

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Ekim. 14:6

Anenipei, potu Yosua lokoku a Nun ka Kaleb lokoku a Yepune, ŋirukitos a ŋikilyok a ŋulu alosito akireb akwap, tocila ŋilowi kec,

Mat. 26:65

Ŋolopeikiro, tocil Esacaradoti ŋolo Apolon nooi ŋilowi keŋ tema, “Eyany iŋes Akuj! Nyo nabo eriŋa ikiitanitor ŋisuudae ŋice? Iirasi tokona iyes ŋiyany keŋ.

Luk. 11:54

Alokito ikes iŋes ecamito aripun, keya ŋakiro ŋuna aronok ŋuna epedori iŋes alimun.

Ŋitic. 14:14

Ani iirarete Baranaba ka Paulo ŋakiro ŋun, tociliciliyasi ŋilowi kec, toema tooma nasepico a ŋituŋa iworoete ebasi,

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.