2 Ŋirw. 5:5 - Ebaibul

⁵ Tolimok erwosit Naaman tema, “Ape, akainakini ayoŋ iyoŋ abaruwa ŋina egirakini ayoŋ erwosit a Isirael.” Tolot Naaman, ya ŋitalantae ŋitomon ŋulu arae ŋisilipae ka ŋicekelya ŋalipyo ŋakanikapei, ŋulu arae egolid ta ŋilowi ŋarekia ŋatomon.

2 Ŋirw. 5:5 Iomraidhean Croise

Akisy. 11:3

Tolimok ŋinituŋanan ikidunyet keŋ tema, “Bua etiyautu ŋamatapali, ido ecunya ejok.” Kisitiyata ikes ŋamatapali akilo ŋamoru, kisitiyata eminae akilo ecoto.

Akisy. 11:7

Potu oloto kwap, enyala aŋajep kec, ikotere tojoŋoto apupo make.”

Akisy. 45:22

Inak Yosepu ŋikaitotoi keŋ a ŋinituŋanan ŋilowi ŋice ŋulukilocokinet ŋulu anapito ikes akilocokinet apei bon nai aponi inakinae Benjamin ŋisilipae ŋamiae ŋauni ka ŋilowi ŋulukilocokinet ŋulu enapi iŋes ŋakilocokinet ŋakan.

1 Ŋirw. 13:7

Tema nai erwosit neni a ekile a ŋolo arae ituŋanan ŋini ka Akuj, “Bua apena lore emuja, ido okoinak ayoŋ iyoŋ ainakinet.”

1 Ŋirw. 22:3

Kiŋit erwosit a Isirael ŋikapolok a akwap keŋ tema, “Nyiyenete mono iyes atemar erae akwap a Ramos-Gilead ŋina yok, ido emam ŋadi itiyao iwon akinyakun iŋes aneni a erwosit ka Aram a?”

2 Ŋirw. 4:42

Akoloŋit apei, bu ekile ece alo Baalsalisa, ainunit iŋes neni ke Elisa ŋamugati ŋatomoniarei ŋuna ke erau a ŋolo esyaunio alemun alokaru a ŋol. Ayaunit iŋes tari ŋakyes a ŋimomwa a ŋulu apaalak eya loguniya. Kirworik Elisa tema, “Tokorakisi ŋituŋa akimuj na kimuja.”

2 Ŋirw. 5:4

Abu nai Naaman tolot tolimok erwosit ŋolo ka Aram ŋakiro ŋuna erworo apese ŋina arikunio alo Isirael.

2 Ŋirw. 5:6

Ya iŋes abaruwa neni ke erwosit a Isirael, tosodi tosyom erwosit abaruwa ŋin ŋina abala, “Ani edoluni abaruwa na neni kon, toyenu atemar eyakuunit ayoŋ Naaman eketiyan kaŋ kitaŋaleu iyoŋ iŋes anadyak atapon.”

Ŋakit. 18:16

Eŋae ainakinet neni itori ituŋanan ŋini einanakini, ido itodoli ainakinet ituŋanan neni eyai ituŋanan ŋini apolon nooi.

Ekal. 2:1

Abu ayoŋ ocamak nooi akitalakar bon ka eiitan ayenun atemar nyo erae alakar. Nai abu ayoŋ oyenu atemar erae ŋun daŋ ŋakoŋinae.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Ekim. 22:7

Torotokis nai ŋikasikou a Moab ka ŋikasikou a Midian etiŋito ŋisiliŋa ŋulu etacere emuron Balaam, todolo ikes neni a Balaam, ido tolimokis iŋes ŋakiro a Balak.

Yak. 4:13

Topupokisi tokona ŋakiro kaŋ, iyes ŋulu ibasi, “Nakoloŋit na kori moi taparacu, ikilosi lotaun ati, eboiyoto aina ekaru epei, ogeutu akigyel ka agyelanar, ikotere oryamutu ŋisiliŋa ŋulu alalak.”

Ŋikat. 14:12

Tolimok Samuson ikes tema, “Akalimokini ayoŋ iyes totedosi ŋakiro nu. Ani kitedosi iyes alotooma ŋirwa ŋikanikaarei lu ŋulu a ŋasuban, akainakini ayoŋ iyes ŋilowi ŋulu amilimilak ŋatomoniuni ka ŋilowi ŋulu a ŋasuban daŋ ŋatomoniuni.